ᠠᠳᠤᠭᠤᠴᠢᠨ ᠵᠠᠯᠠᠭᠤ ᠢᠢᠨ ᠵᠤᠯᠪᠤᠭᠠᠳᠤ ᠦᠢᠯᠡᠰ
2025-04-18 11:38:21
ᠡᠨᠡ ᠵᠢᠯ 49 ᠨᠠᠰᠤᠲᠠᠢ ᠳᠠᠯᠠᠨᠭᠤᠷᠪᠠ ᠪᠤᠯ ᠤᠲᠤᠭ ᠬᠤᠰᠢᠭᠤᠨ ᠤ ᠠᠷᠪᠠᠰ ᠰᠤᠮᠤᠨ ᠤ ᠨᠤᠭᠤᠭᠠᠨᠳᠠᠢ ᠭᠠᠴᠠᠭᠠᠨ ᠤ ᠠᠳᠤᠭᠤᠴᠢᠨ ᠤᠳᠤᠮ ᠲᠠᠢ ᠠᠶᠢᠯ ᠤᠨ ᠬᠤᠶᠢᠴᠢᠰ ᠪᠢᠯᠡ᠃ ᠠᠳᠤᠭᠤᠴᠢᠨ ᠤᠶᠠᠭᠠᠴᠢ ᠡᠪᠦᠭᠡ ᠪᠤᠯᠤᠨ ᠠᠪᠤ ᠢᠢᠨ ᠳᠡᠷᠭᠡᠳᠡ ᠥᠰᠦᠭ᠍ᠰᠡᠨ ᠳᠠᠯᠠᠨᠭᠤᠷᠪᠠ ᠠᠩᠬᠠ ᠤᠳᠠᠭᠠ ᠠᠷᠲᠠᠭ ᠲᠤᠭᠰᠢᠨ ᠡᠮᠨᠢᠭ ᠤᠨ ᠨᠢᠷᠤᠭᠤᠨ ᠳᠤ ᠲᠤᠭᠲᠠᠬᠤ ᠭᠱᠡᠨ ᠳᠤ ᠠᠳᠤᠭᠤ ᠮᠤᠷᠢᠨ ᠳᠤ ᠭᠤᠤᠯ ᠤᠨ ᠬᠡᠢ ᠲᠠᠢ ᠪᠤᠯᠵᠤ ᠭᠡᠨᠡ᠃ ᠲᠡᠷᠡ ᠤᠨᠠᠭᠠᠨ ᠪᠠᠭᠠ ᠠᠴᠠ ᠪᠠᠨ ᠬᠠᠰᠢᠷ ᠤᠨᠤᠭᠠᠴᠢᠨ ᠪᠤᠯᠵᠤ᠂ ᠤᠷᠢᠳ ᠬᠤᠵᠢᠳ ᠶᠦᠨᠨᠠᠨ ᠭᠠᠨᠰᠤ ᠰᠢᠨᠵᠢᠶᠠᠩ ᠵᠡᠷᠭᠡ ᠭᠠᠵᠠᠷ ᠤᠷᠤᠨ ᠢᠶᠠᠷ ᠤᠷᠤᠯᠳᠤᠭᠠᠨ ᠳᠤ ᠣᠷᠣᠯᠴᠠᠨ ᠤᠯᠠᠨᠳᠠ ᠱᠠᠩᠨᠡᠯ ᠬᠦᠷᠲᠡᠵᠤ ᠭᠠᠨᠵᠤᠭᠠ ᠲᠦᠭᠦᠷᠡᠩ ᠶᠠᠪᠤᠬ᠍ᠰᠠᠨ ᠬᠢᠯᠪᠠᠭᠠ ᠲᠡᠤᠬᠡ ᠲᠠᠢ᠃ ᠭᠡᠪᠡᠴᠦ ︽ᠭᠠᠢ ᠭᠠᠵᠠᠷ ᠲᠤᠤᠷᠠ ᠠᠴᠠ︾ ᠭᠡᠳᠡᠭ᠍ᠴᠢᠯᠡᠨ ᠠᠳᠤᠭᠤᠴᠢᠨ ᠵᠠᠯᠠᠭᠤ ᠵᠤᠯ ᠪᠤᠰᠤ ᠪᠠᠷ 2019 ᠤᠨ ᠳᠤ ᠬᠡᠨᠡᠳᠳᠡ ᠢᠢᠨ ᠲᠡᠷᠭᠡᠨ ᠤ ᠠᠳᠡᠯ ᠠᠴᠠ ᠪᠤᠯᠵᠤ ᠲᠡᠭᠦᠨ ᠤ ᠨᠢᠷᠦᠭᠤ ᠨᠢ ᠬᠡᠮᠳᠤᠵᠤ ᠮᠤᠷᠢᠨ ᠨᠢᠷᠤᠭᠤᠨ ᠠᠴᠠ ᠰᠠᠯᠵᠤ᠂ ᠲᠡᠷᠡ ᠴᠤ ᠡᠳᠡᠭᠡᠷ ᠵᠢᠯ ᠤᠳ ᠤᠨ ᠴᠢᠷᠮᠠᠶᠢᠯᠭᠠ ᠲᠡᠮᠡᠴᠡᠯ᠂ ᠡᠪᠦᠭᠡ ᠪᠠ ᠠᠪᠤ ᠢᠢᠨ ᠬᠢᠨ ᠨᠠᠰᠤᠨ ᠤ ᠬᠤᠷᠠᠮᠳᠤᠭᠤᠯᠭᠠ᠂ ᠠᠯᠢᠪᠠ ᠪᠦᠬᠦᠨ ᠲᠠᠭᠤᠰᠤᠯᠠ ᠭᠡᠵᠤ ᠵᠤᠪᠠᠯᠠᠩ ᠪᠤᠯᠵᠤ ᠦᠡᠭ᠍ᠭᠡᠷᠡᠭ᠍ᠰᠡᠨ ᠪᠢᠯᠡ᠃
ᠲᠡᠷᠡᠪᠡᠷ ᠲᠠᠯᠠ ᠨᠤᠲᠤᠭ ᠊ᠤᠨ᠊ᠰᠥᠭ ᠰᠦᠨᠡᠰᠦ ᠭᠡᠭ᠍ᠳᠡᠭ᠍ᠰᠡᠨ᠂ ᠮᠣᠩᠭᠤᠯ ᠬᠦᠮᠦᠨ ᠤ ᠬᠠᠨᠢ ᠲᠦᠰᠢᠭ ᠪᠤᠯᠤᠭᠰᠠᠨ ᠠᠳᠤᠭᠤᠨ ᠳ᠋ᠠ᠋ᠭᠠᠨ ᠳᠠᠯᠠᠨᠭᠤᠷᠪᠠ ᠠᠷᠭᠠ ᠦᠭᠡᠢ ᠬᠠᠶᠢᠷᠠᠲᠠᠢ ᠪᠠᠶᠢᠳᠠᠭ ᠨᠢ ᠯᠠᠪᠲᠠᠢ᠃ ᠬᠡᠳᠦᠢᠪᠡᠷ ᠮᠤᠷᠢᠨ ᠨᠢᠷᠤᠭᠤᠨ ᠠᠴᠠ ᠰᠠᠯᠤᠭᠰᠠᠨ ᠴᠦ ᠠᠳᠤᠭᠤ ᠪᠠᠨ ᠥᠰᠭᠡᠨᠡ ᠭᠡᠰᠡᠨ ᠪᠤᠳᠤᠯ ᠨᠢ ᠬᠦᠪᠦᠷᠡᠵᠤ ᠪᠠᠶᠢᠬ᠍ᠰᠠᠨ ᠲᠤᠯᠠ ᠲᠡᠷᠡ ᠥᠷᠭᠦᠯᠵᠢᠯᠡᠨ ᠪᠡᠯᠡ ᠮᠥᠩᠭᠦ ᠪᠠᠨ ᠬᠤᠷᠤᠮᠳᠤᠭᠤᠯᠤᠨ ᠬᠤᠷᠳᠤᠴᠠ ᠰᠠᠶᠢᠲᠠᠢ ᠭᠠᠳᠠᠭᠠᠳᠤ ᠤᠯᠤᠰ ᠤᠨ ᠴᠡᠪᠡᠷ ᠡᠭᠦᠯᠳᠡᠷ ᠤ ᠰᠢᠯᠢᠳᠡᠭ ᠠᠳᠤᠭᠤ ᠢᠢ ᠤᠷᠤᠭᠤᠯᠤᠨ ᠤᠷᠤᠯᠳᠤᠭᠠᠨ ᠮᠤᠷᠢᠨ ᠤ ᠦᠢᠯᠡᠰ ᠢᠶᠠᠨ ᠪᠤᠰᠬᠠᠨᠠ ᠭᠡᠮᠡᠨ ᠰᠢᠢᠳᠴᠤ ᠴᠢᠷᠮᠠᠶᠢᠵᠠᠢ᠃ ᠬᠠᠷᠢ ᠭᠠᠷᠤᠯ ᠲᠠᠢ ᠠᠳᠤᠭᠤ ᠢᠢ ᠨᠤᠲᠤᠭ ᠤᠰᠤᠨ ᠳᠠᠭᠠᠨ ᠥᠰᠭᠡᠨᠡ ᠭᠡᠵᠤ ᠬᠡᠶᠢᠮᠤᠷᠢ ᠵᠤᠭᠠᠲᠠᠢ ᠠᠵᠤ ᠪᠠᠶᠢᠳᠠᠭ ᠴᠤ ᠨᠢᠭᠡ ᠶᠤᠰᠤᠨ ᠳᠠᠭᠠᠨ ᠮᠠᠰᠢ ᠬᠦᠴᠢᠷ ᠲᠠᠢ ᠪᠠᠶᠢᠳᠠᠭ ᠨᠢ ᠮᠡᠳᠡᠭᠡᠵᠢ᠃ ᠢᠯᠠᠩᠭᠤᠶᠠ ᠤᠰᠤᠨ ᠤ ᠲᠤᠩᠭᠠᠯᠠᠭ ᠢ ᠳᠠᠭᠠᠵᠤ ᠡᠪᠡᠰᠤᠨ ᠤ ᠰᠤᠷᠭᠤᠭ ᠲᠤ ᠢᠳᠡᠰᠢᠯᠡᠳᠡᠭ ᠠᠳᠤᠭᠤᠨ ᠳᠤ ᠠᠭᠤᠵᠢᠭᠤ ᠪᠠᠭᠲᠠᠭᠠᠮᠵᠢᠲᠠᠢ ᠪᠡᠯᠴᠢᠭᠡᠷ ᠤᠰᠤ ᠬᠡᠷᠡᠭ᠍ᠲᠡᠢ᠃ ᠲᠡᠷᠡ ᠠᠳᠤᠭᠤᠨ ᠲᠠᠯᠠᠪᠤᠷ ᠢᠶᠠᠨ ᠰᠢᠨᠡᠳᠭᠡᠨ 2023ᠤᠨ ᠳᠤ ᠪᠡᠯᠴᠢᠭᠡᠷ ᠲᠡᠭᠡᠷᠡ ᠪᠠᠨ ᠤᠷᠤᠯᠳᠤᠭᠠᠨ ᠤ ᠪᠠᠷᠢᠮᠵᠢᠶᠠ ᠳᠤ ᠨᠡᠶᠢᠴᠡᠭ᠍ᠰᠡᠨ 300 ᠭᠠᠷᠤᠢ ᠮᠸ᠋ ᠲᠤᠰᠬᠠᠢ ᠰᠤᠷᠢᠯᠲᠠ ᠢᠢᠨ ᠲᠠᠯᠠᠪᠠᠢ ᠭᠠᠷᠭᠠᠵᠤ᠂ ᠰᠢᠯᠢ ᠢᠢᠨ ᠭᠤᠤᠯ ᠤᠨ ᠰᠠᠶᠢᠨ ᠡᠪᠡᠰᠤ ᠤᠷᠤᠭᠤᠯᠵᠤ ᠳᠡᠵᠢᠭᠡᠯ ᠪᠣᠷᠳᠤᠭᠠ ᠳᠤᠬᠢᠷᠠᠭᠤᠯᠤᠨ᠂ ᠲᠤᠰᠬᠠᠢ ᠲᠡᠵᠢᠭᠡᠯᠴᠢ᠂ ᠤᠶᠠᠭᠠᠴᠢ ᠤᠷᠢᠨ ᠤᠷᠤᠯᠳᠤᠭᠠᠨ ᠤ ᠮᠤᠷᠢ ᠤᠳ ᠢᠶᠠᠨ ᠠᠷᠠᠴᠢᠯᠠᠵᠤ᠂ ᠥᠨᠢᠷ ᠥᠰᠦᠯᠲᠡ ᠢᠢ ᠰᠠᠶᠢᠳᠤᠷ ᠪᠠᠲᠤᠯᠠᠭᠰᠠᠨ ᠠᠴᠠ ᠱᠠᠩᠨᠡᠯ ᠬᠦᠬᠢᠭᠦᠯᠦᠯ ᠳᠠᠰᠤᠷᠠᠭᠠ ᠦᠭᠡᠢ ᠮᠥᠷᠲᠡᠭᠡᠨ ᠮᠤᠷᠢ ᠢᠢ ᠨᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠴᠢᠨᠠᠬ᠍ᠰᠢᠳᠠ ᠪᠦᠬᠦ ᠤᠯᠤᠰ ᠤᠨ ᠬᠡᠪᠴᠢᠶᠡᠨ ᠠᠴᠠ ᠠᠵᠢᠯᠵᠢᠶᠠᠴᠢᠨ ᠢᠷᠡᠵᠤ ᠬᠤᠳᠠᠯᠳᠤᠨ ᠠᠪᠬᠤ ᠪᠤᠯᠤᠯᠠ᠃
ᠵᠤᠷᠢᠯᠭᠠ ᠳᠤᠳᠤᠷᠬᠠᠢ ᠦᠢᠯᠡᠰᠴᠢ ᠬᠦᠮᠦᠨ ᠬᠥᠳᠡᠯᠮᠦᠷᠢᠴᠢ ᠪᠠᠶᠢᠪᠠᠯ ᠲᠡᠷᠡ ᠬᠦᠮᠦᠨ ᠦᠢᠯᠡᠰ ᠤᠨ ᠤᠷᠭᠢᠯ ᠳᠤ ᠭᠠᠷᠬᠤ ᠨᠢ ᠯᠠᠪᠲᠠᠢ᠃ ᠬᠡᠳᠦᠨ ᠵᠢᠯ ᠤᠨ ᠬᠢᠴᠢᠶᠡᠨ ᠴᠢᠷᠮᠠᠶᠢᠯᠭᠠ ᠪᠠᠷ ᠲᠡᠭᠦᠨ ᠤ ᠠᠳᠤᠭᠤ ᠥᠨᠢᠷ ᠥᠰᠴᠣ᠂ ᠤᠳᠤᠬᠠᠨ ᠳᠤ ᠴᠡᠪᠡᠷ ᠡᠭᠦᠯᠳᠡᠷ ᠤᠨ ᠤᠷᠤᠯᠳᠤᠭᠠᠨ ᠤ ᠮᠣᠷᠢ 40ᠰᠢᠬᠠᠮ ᠬᠦᠷᠴᠤ᠂ ᠱᠠᠩᠨᠡᠯ ᠤᠨ ᠮᠦᠩᠭᠦ ᠪᠤᠯᠤᠨ ᠠᠳᠤᠭᠤᠨ ᠤ ᠪᠤᠷᠤᠯᠠᠭᠤᠯᠭᠠ ᠢᠢᠨ ᠮᠦᠩᠭᠦ ᠪᠠᠨ ᠰᠤᠷᠢᠯᠲᠠ ᠢᠢᠨ ᠲᠠᠯᠠᠪᠠᠢ ᠳᠠᠭᠠᠨ ᠵᠠᠷᠤᠴᠠᠭᠤᠯᠤᠨ᠂ ᠠᠵᠤ ᠦᠢᠯᠡᠰ ᠤᠨ ᠡᠷᠡᠭᠦᠯ ᠬᠥᠭ᠍ᠵᠢᠯ ᠤᠨ ᠱᠠᠲᠤᠨ ᠳᠠᠭᠠᠨ ᠤᠷᠤᠵᠤ᠂ ᠠᠳᠤᠭᠤ ᠪᠠᠨ ᠥᠰᠭᠡᠨᠡ ᠭᠡᠰᠡᠨ ᠵᠠᠯᠠᠭᠤ ᠨᠠᠰᠤᠨ ᠤ ᠬᠦᠰᠡᠯᠡᠩ ᠪᠠᠨ ᠲᠡᠷᠭᠡᠯᠰᠢᠭᠦᠯᠵᠤ ᠵᠢᠳᠬᠦᠨᠡᠮ᠃
