ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠯᠠᠪᠰᠠᠯᠠᠬᠤ ᠴᠡᠡᠭᠭᠡᠷ ᠴᠠᠰᠤ
2025-04-01 09:51:56
ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠴᠡᠩᠬᠡᠷ ᠴᠠᠰᠤ
ᠪᠣᠳᠣᠯ ᠢ ᠮᠢᠨᠢ ᠠᠷᠢᠭᠤᠳᠬᠠᠬᠤ ᠭᠡᠵᠦ
ᠪᠤᠬᠢᠨᠢᠳᠤᠯ ᠢ ᠮᠢᠨᠢ ᠠᠷᠢᠯᠭᠠᠬᠤ ᠭᠡᠵᠦ ᠠᠷᠭᠠᠳᠠᠩᠬᠠᠨ ᠯᠠᠪᠰᠠᠯᠠᠨᠠ
ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠴᠡᠩᠬᠡᠷ ᠴᠠᠰᠤ
ᠮᠥᠷᠥᠨ ᠤ ᠮᠢᠨᠢ ᠲᠣᠭᠤᠰᠣ ᠢᠢ ᠠᠷᠴᠢᠬᠤ ᠭᠡᠵᠦ
ᠮᠥᠷ ᠤᠨ ᠮᠢᠨᠢ ᠴᠡᠴᠡᠭᠡᠰ ᠢ ᠦᠨᠦᠰᠭᠦ ᠭᠡᠵᠦ ᠢᠨᠠᠭᠬᠠᠨ ᠬᠠᠶᠠᠯᠠᠨᠠ
ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠴᠡᠩᠬᠡᠷ ᠴᠠᠰᠤ ᠳᠤᠷᠠᠯᠠᠯ ᠤᠨ ᠮᠢᠨᠢ
ᠦᠯᠢᠭᠡᠷ ᠢ ᠬᠠᠶᠢᠴᠢᠯᠠᠬᠤ ᠭᠡᠵᠦ ᠳᠤᠷᠠᠰᠤᠯ ᠤᠨ ᠮᠢᠨᠢ ᠰᠢᠵᠢᠮ ᠠᠴᠠ
ᠣᠭᠤᠰᠣᠷᠯᠠᠬᠤ ᠭᠡᠵᠦ ᠳᠡᠯᠪᠡᠯᠵᠡᠩᠬᠡᠨ ᠪᠠᠭᠤᠨᠠ
ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠴᠡᠩᠬᠡᠷ ᠴᠠᠰᠤ
ᠰᠡᠳᠭᠢᠯ ᠤᠨ ᠮᠢᠨᠢ ᠰᠢᠷᠬᠠ ᠢᠢ ᠠᠨᠠᠭᠠᠬᠤ ᠭᠡᠵᠦ
ᠢᠲᠡᠭᠡᠯ ᠤᠨ ᠮᠢᠨᠢ ᠬᠦᠴᠦ ᠢᠢ ᠨᠡᠮᠡᠬᠦ ᠭᠡᠵᠦ ᠪᠤᠲᠠᠷᠠᠩᠬᠠᠨ ᠪᠤᠷᠠᠨᠠ
ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠴᠡᠩᠬᠡᠷ ᠴᠠᠰᠤ
ᠵᠡᠭᠦᠳᠦᠨ ᠤ ᠮᠢᠨᠢ ᠬᠠᠷᠠ ᠳᠠᠷᠤᠭᠠᠰᠤ ᠢᠢ ᠰᠡᠷᠡᠭᠡᠬᠦ ᠭᠡᠵᠦ
ᠵᠢᠷᠦᠬᠡᠨ ᠤ ᠮᠢᠨᠢ ᠰᠢᠮᠰᠢᠷᠡᠭᠡ ᠢᠢ ᠦᠯᠳᠡᠬᠦ ᠭᠡᠵᠦ
ᠬᠤᠶᠢᠯᠠᠷᠠᠩᠬᠠᠨ ᠰᠢᠭᠤᠷᠠᠨᠠ᠃
（ᠪᠠᠶᠠᠭᠤᠳ ᠨᠠᠷᠠᠩᠬᠤᠸᠠᠷ ）