ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠯᠠᠪᠰᠠᠯᠠᠬᠤ ᠴᠡᠡᠭᠭᠡᠷ ᠴᠠᠰᠤ
2025-04-01 10:08:46
ᠰᠤᠷᠠᠭ ᠨᠢ ᠬᠤᠯᠠᠳᠠᠭᠰᠠᠨ ᠠᠳᠤᠭᠤᠳ ᠤᠨ ᠴᠢᠮᠡᠭᠡ ᠠᠨᠢᠷᠳᠤᠵᠤ
ᠰᠦᠨ ᠥᠩᠭᠡ ᠲᠠᠢ ᠴᠡᠩᠬᠡᠷ ᠠᠶᠠᠯᠭᠤ ᠰᠡᠳᠭᠢᠯ ᠳᠤ ᠠᠮᠢᠯᠠᠨᠠ
ᠰᠦᠰᠦᠭ ᠲᠤ ᠮᠦᠩᠬᠡᠷᠡᠭ᠍ᠰᠡᠨ ᠨᠠᠢᠮᠠᠨ ᠵᠠᠭᠤᠨ ᠤ ᠲᠡᠭ᠍ᠷᠢ ᠠᠴᠠ
ᠰᠣᠳᠠᠯ ᠳᠠᠭᠠᠵᠤ ᠨᠢᠭᠡᠨ ᠭᠤᠤᠯ ᠤᠷᠤᠰᠤᠨᠠ
ᠨᠠᠷᠠᠨ ᠤ ᠠᠯᠲᠠᠩᠬᠠᠨ ᠰᠤᠷᠮᠤᠤᠰᠤ ᠴᠠᠩᠳᠤᠵᠤ
ᠨᠢᠯᠪᠤᠰᠤᠷᠠᠬᠤ ᠭᠤᠨᠢᠭ ᠤᠨ ᠨᠠᠪᠴᠢᠰ ᠪᠦᠵᠢᠨᠠ
ᠨᠠᠷᠠᠲᠤ ᠢᠢᠨ ᠵᠠᠢ ᠢᠢ ᠬᠤᠷᠤᠮᠬᠠᠨ ᠳᠤᠪᠴᠢᠯᠠᠵᠤ
ᠨᠠᠢᠮᠠᠨ ᠰᠢᠷᠭᠠ ᠢᠢᠨ ᠦᠦᠷᠰᠡᠭᠡᠨ ᠬᠠᠩᠭᠢᠨᠠᠨᠠ
ᠮᠦᠷᠤᠭᠡᠳᠣᠯ ᠢᠶᠠᠨ ᠳᠠᠭᠠᠭᠤᠯᠤᠨ ᠢᠲᠡᠭᠡᠯ ᠡᠷᠴᠢᠯᠡᠵᠤ
ᠰᠠᠷᠠᠨ ᠤ ᠡᠭᠡᠰᠢᠭ ᠰᠠᠨᠠᠭᠠ ᠠᠷᠢᠭᠤᠰᠬᠠᠨᠠ
ᠰᠠᠯᠬᠢᠨ ᠭᠦᠶᠤᠳᠡᠯ ᠲᠠᠢ ᠬᠦᠯᠦᠭ ᠤᠨ ᠬᠡᠶᠢᠮᠤᠷᠢ ᠰᠡᠷᠭᠦᠭᠡᠵᠤ
ᠰᠠᠨᠰᠠᠷ ᠤᠨ ᠲᠤᠷᠭᠠᠨ ᠡᠯᠢᠭᠡᠨ ᠠᠴᠠ ᠷᠠᠰᠢᠶᠠᠨ ᠪᠤᠯᠤᠨ ᠰᠢᠩᠭᠡᠨᠡ
ᠴᠠᠬᠢᠯᠵᠤ ᠣᠳᠬᠤ ᠴᠠᠭ ᠬᠤᠭᠤᠴᠠᠭᠠᠨ ᠤ ᠦᠯᠢᠭᠡᠷ ᠬᠡᠯᠬᠢᠵᠤ
ᠴᠠᠬᠢᠯᠳᠠᠭ ᠤᠨ ᠮᠢᠷᠠᠯᠵᠠᠭᠠᠨ ᠲᠠᠢ ᠠᠶᠠ ᠳᠠᠭᠤᠤ ᠤᠶᠠᠩᠭᠠᠷᠠᠨᠠ
ᠴᠠᠰᠤᠲᠤ ᠶᠡᠭᠡ ᠰᠠᠷᠢᠳᠠᠭ ᠠᠴᠠ ᠳᠤᠭ ᠬᠢᠬᠢᠷᠢ ᠰᠢᠭᠤᠶᠢᠷᠠᠵᠤ
ᠴᠠᠭᠠᠨ ᠱᠤᠩᠬᠤᠷ ᠡᠯᠡᠲᠡᠯᠡ ᠬᠠᠯᠢᠭᠰᠠᠭᠠᠷ ᠳᠣᠮᠤᠭ ᠤᠨ ᠬᠤᠨ ᠪᠠᠭᠤᠴᠠᠯᠠᠨᠠ
ᠣᠳᠣᠳ ᠤᠨ ᠲᠤᠭᠠ ᠪᠠᠷ ᠭᠡᠭᠡ ᠰᠦᠵᠢᠷᠡᠵᠤ
ᠣᠷᠴᠢᠯᠠᠩ ᠤᠨ ᠴᠢᠨᠠᠲᠤ ᠠᠴᠠ ᠵᠡᠭᠦᠳᠤᠨ ᠤ ᠬᠦᠮᠦᠨ ᠠᠯᠬᠤᠯᠠᠨᠠ
ᠤᠷᠤᠢ ᠠᠴᠠ ᠪᠠᠨ ᠪᠤᠭᠤᠷᠤᠯᠲᠤᠬᠤ ᠬᠤᠷᠸᠠ ᠢᠢᠨ ᠲᠤᠭᠤᠰᠤ ᠢᠢ ᠠᠴᠢᠵᠤ
ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠴᠡᠩᠬᠡᠷ ᠴᠠᠰᠤ ᠯᠠᠪᠰᠠᠯᠠᠨᠠ᠃
（ᠬᠤᠨᠢᠴᠢᠨ ᠰᠣᠨᠢᠨᠪᠢᠯᠢᠭ᠌）