ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠯᠠᠪᠰᠠᠯᠠᠬᠤ ᠴᠡᠡᠭᠭᠡᠷ ᠴᠠᠰᠤ
2025-04-01 09:44:00
ᠬᠥᠬᠡ ᠮᠥᠩᠭᠦᠨ ᠲᠡᠭ᠍ᠷᠢ ᠠᠴᠠ ᠬᠥᠪᠥᠩ ᠴᠠᠭᠠᠨ ᠡᠭᠦᠯᠡ ᠤᠷᠭᠤᠨᠠ
ᠬᠥᠮᠥᠨ ᠠᠷᠠᠳ ᠤᠨ ᠰᠡᠳᠭᠢᠯ ᠤᠮᠤᠭ ᠤᠨ ᠬᠤᠷᠤᠢ ᠳᠤ ᠮᠡᠯᠮᠡᠷᠡᠨᠡ
ᠬᠥᠰᠡᠯ ᠤᠨ ᠵᠥᠩ ᠳᠡᠭᠡᠵᠢᠯᠡᠵᠥ ᠤᠯᠠᠷᠢᠯ ᠤᠨ ᠥᠩᠭᠡ ᠰᠢᠨᠡᠳᠥᠨᠡ
ᠬᠥᠪᠴᠢᠨ ᠳᠡᠯᠡᠬᠡᠢ ᠢᠢᠨ ᠢᠲᠡᠭᠡᠯ ᠳᠤᠮᠤᠭ ᠤᠨ ᠤᠷᠠᠢ ᠳᠤ ᠴᠡᠯᠭᠡᠷᠡᠨᠡ
ᠥᠬᠢᠨ ᠤ ᠮᠢᠨᠢ ᠨᠢᠭᠤᠵᠤ ᠤᠨᠠᠭᠠᠭᠰᠠᠨ ᠨᠢᠯᠪᠤᠰᠤ ᠴᠠᠷᠴᠠᠵᠤ
ᠤᠶᠠᠬᠠᠨ ᠽᠠᠮᠪᠤᠯᠢᠩ ᠤᠨ ᠥᠷᠥᠴᠡᠨ ᠳᠤ ᠰᠠᠴᠤᠭᠳᠠᠭᠰᠠᠨ ᠰᠢᠭ
ᠤᠷᠲᠤ ᠢᠢᠨ ᠳᠠᠭᠤᠨ ᠤ ᠤᠶᠠᠩᠭᠠ ᠢᠢᠨ ᠠᠶᠠᠰ ᠴᠤᠤᠷᠢᠶᠠᠳᠤᠨ
ᠤᠩᠭᠤᠨ ᠪᠠᠶᠢᠭᠠᠯᠢ ᠢᠢᠨ ᠥᠷᠥᠴᠡᠨ ᠳᠤ ᠰᠥᠨ ᠴᠠᠰᠤ ᠯᠠᠪᠰᠠᠯᠠᠬᠤ ᠪᠠᠷ
ᠠᠭᠰᠤᠮ ᠬᠤᠷᠳᠤᠨ ᠬᠥᠯᠥᠭ ᠤᠨ ᠲᠤᠭᠤᠷᠠᠢ ᠢᠢᠨ ᠲᠤᠭᠤᠰᠤ ᠨᠠᠮᠲᠠᠵᠤ
ᠠᠮᠢᠨ ᠵᠢᠷᠥᠬᠡᠨ ᠲᠤᠯᠳᠤᠨ ᠤ ᠰᠥᠰᠦᠭ ᠤᠨ ᠢᠪᠢᠯᠭᠡ ᠤᠶᠠᠩᠭᠠᠷᠠᠵᠤ
ᠠᠷᠤ ᠬᠠᠩᠭᠠᠢ ᠨᠤᠲᠤᠭ ᠤᠨ ᠠᠷᠢᠭᠤᠬᠠᠨ ᠬᠥᠷᠥᠰᠥ ᠢᠢ ᠤᠮᠳᠠᠯᠠᠵᠤ
ᠠᠮᠢᠳᠤᠷᠠᠯ ᠬᠤᠷᠸᠠ ᠲᠤᠯᠢᠨ ᠤ ᠥᠴᠢᠭ ᠤᠨ ᠰᠡᠪᠡᠯᠭᠡ ᠰᠤᠯᠤᠩᠭᠠᠷᠠᠵᠤ
ᠪᠤᠳᠤᠭ ᠤᠨ ᠥᠩᠭᠡ ᠢᠢ ᠬᠠᠷᠠᠭᠠᠨ ᠳᠤ ᠢᠯᠳᠠᠮᠬᠠᠨ ᠲᠤᠳᠤᠷᠠᠭᠤᠯᠵᠤ
ᠪᠤᠳᠤᠯ ᠤᠨ ᠰᠢᠪᠡᠨᠡᠭᠡ ᠢᠢ ᠰᠤᠨᠤᠷ ᠲᠤ ᠢᠷᠠᠭᠤᠬᠠᠨ ᠮᠡᠳᠡᠷᠡᠭᠦᠯᠵᠥ
ᠪᠤᠬᠢᠨᠢᠳᠥᠯ ᠤᠶᠢᠳᠬᠠᠷ ᠤᠨ ᠮᠠᠨᠠᠨ ᠢ ᠠᠷᠴᠢᠭᠰᠠᠨ ᠮᠡᠲᠥ ᠰᠠᠷᠨᠢᠭᠤᠯᠵᠤ
ᠪᠤᠮᠪᠠ ᠢᠢᠨ ᠠᠷᠢᠭᠤᠨ ᠤᠷᠤᠨ ᠵᠡᠭᠦᠳᠥ ᠶᠤᠮ ᠰᠢᠭ ᠨᠢᠯᠬᠠᠷᠠᠨᠠ
ᠲᠡᠭ᠍ᠷᠢ ᠢᠢᠨ ᠤᠯᠠᠨ ᠤᠳᠤ ᠮᠢᠨᠤ ᠪᠠᠭᠤᠴᠠᠨ ᠳᠤ ᠢᠷᠡᠭᠡ ᠰᠢᠭ
ᠲᠡᠷᠭᠡᠯ ᠬᠥᠳᠡᠭᠡ ᠢᠢ ᠠᠷᠢᠭᠤᠰᠬᠠᠭᠰᠠᠨ ᠴᠡᠩᠬᠡᠷ ᠴᠠᠰᠤᠨ ᠰᠢᠪᠰᠢᠶᠡ
ᠲᠡᠨᠢᠭᠡᠷ ᠠᠭᠤᠯᠠᠰ ᠤᠨ ᠰᠥᠷ ᠢ ᠤᠲᠤᠷ ᠤᠨ ᠬᠠᠶᠠᠭᠠᠨ ᠳᠤ ᠡ᠊ᠩᠬᠦᠷᠡᠶᠢᠯᠡᠵᠥ
ᠲᠡᠮᠡᠭᠡᠨ ᠵᠢᠩ ᠤᠨ ᠮᠥᠷ ᠢ ᠰᠤᠳᠤᠷ ᠤᠨ ᠬᠠᠭᠤᠳᠠᠰᠤᠨ ᠳᠤ ᠡᠪᠬᠡᠨᠡ
ᠰᠠᠶᠢᠬᠠᠨ ᠬᠠᠨ ᠢ ᠲᠥᠰᠥᠭᠡᠯᠡᠨ ᠪᠠᠶᠢᠬᠤ ᠳᠤ ᠪᠤᠷᠬᠠᠨ ᠬᠠᠯᠲᠤᠨ ᠤᠶᠢᠷᠠᠲᠤᠨᠠ
ᠰᠠᠷᠠᠭᠤᠯ ᠨᠤᠲᠤᠭ ᠢ ᠰᠠᠨᠠᠨ ᠤᠶᠠᠷᠠᠬᠤ ᠳᠤ ᠤᠨᠤᠨ ᠮᠥᠷᠡᠨ ᠥᠶᠡᠷᠯᠡᠨᠡ
ᠰᠠᠯᠬᠢ ᠢᠰᠭᠡᠷᠡᠭᠦᠯᠥᠨ ᠲᠠᠪᠬᠢᠬᠤ ᠠᠳᠤᠭᠤᠨ ᠰᠥᠷᠥᠭ ᠤᠨ ᠲᠥᠪᠡᠷᠭᠡᠨ ᠳᠤ
ᠰᠠᠨᠴᠢᠭ ᠪᠤᠭᠤᠷᠤᠯ ᠠᠪᠤ ᠢᠢᠨ ᠮᠠᠩᠨᠠᠢ ᠢᠢᠨ ᠠᠲᠤᠷᠢᠶᠠ ᠲᠡᠨᠶᠢᠨᠡ
ᠠᠶᠠᠯᠭᠤ ᠢᠷᠠᠭᠤ ᠬᠤᠷᠸᠠ ᠢᠢᠨ ᠬᠥᠭ ᠨᠡᠶᠢᠯᠡᠭ᠍ᠰᠡᠨ ᠠᠶᠢᠵᠠᠮ ᠢᠶᠠᠷ
ᠠᠩᠭᠢᠷ ᠴᠠᠭᠠᠨ ᠴᠠᠰᠤ ᠠᠯᠲᠠᠨ ᠳᠡᠯᠡᠬᠡᠢ ᠢᠢ ᠥᠩᠭᠡᠯᠡᠬᠦ ᠳᠤ
ᠠᠷᠠᠳ ᠤᠨ ᠳᠠᠭᠤᠨ ᠤ ᠠᠶᠢᠵᠠᠮ ᠠᠲᠠᠷ ᠲᠠᠯᠠ ᠪᠠᠷ ᠤᠶᠠᠩᠭᠠᠷᠠᠨ
ᠠᠶᠠᠰ ᠤᠨ ᠰᠠᠯᠬᠢᠨ ᠤ ᠰᠡᠪᠡᠯᠵᠡᠭᠡᠨ ᠳᠤ ᠠᠶᠠᠨ ᠤ ᠴᠤᠪᠤᠭᠠ ᠳᠤᠷᠠᠶᠢᠨᠠ
ᠤᠰᠤᠨ ᠲᠤᠩᠭᠠᠯᠠᠭ ᠨᠠᠭᠤᠷ ᠲᠤ ᠤᠯᠠᠷᠢᠯ ᠤᠨ ᠰᠢᠪᠠᠭᠤᠳ ᠰᠠᠭᠠᠲᠠᠨ
ᠤᠶᠠᠩᠭᠠ ᠢᠢᠨ ᠲᠤᠷᠭᠠᠨ ᠬᠠᠳᠠᠭ ᠰᠠᠷᠠᠨ ᠤ ᠲᠤᠶᠠᠭᠠᠨ ᠳᠤ ᠴᠠᠶᠢᠯᠵᠠᠨᠠ
ᠤᠭᠲᠠᠷᠭᠤᠢ ᠢᠢᠨ ᠭᠥᠨ ᠮᠠᠨᠳᠠᠯ ᠳᠤ ᠮᠥᠷᠥᠭᠡᠳᠥᠯ ᠤᠨ ᠡᠭᠦᠯᠡᠰ ᠬᠤᠷᠠᠭᠠᠳ
ᠤᠷᠢᠬᠠᠨ ᠬᠠᠪᠤᠷ ᠤᠨ ᠴᠠᠰᠤ ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠬᠠᠶᠠᠯᠠᠨᠠ ᠁
（ᠬᠤᠨᠢᠴᠢᠨ ᠰᠤ ᠥᠨᠡᠨᠴᠢ）