︽ᠰᠤᠨᠤᠷ ᠤᠨ ᠬᠠᠨᠢ︾︱ ᠰᠤᠨᠤᠰᠤᠭᠴᠢᠳ ᠤᠨ ᠪᠠᠶᠠᠷ
2025-01-26 04:36:56
ᠴᠠᠭᠠᠨ ᠰᠠᠷᠠ ᠤᠶᠢᠷᠠᠳᠴᠤ ᠴᠠᠭᠯᠠᠰᠢ ᠦᠭᠡᠢ ᠪᠠᠶᠠᠷ ᠤᠨ ᠮᠠᠨᠭᠨᠠᠢ ᠲᠡᠨᠡᠶᠢᠬᠦ ᠲᠠᠰᠢᠷᠠᠮ ᠳ᠋ᠤ ᠤᠲᠤᠭ ᠬᠤᠰᠢᠭᠤᠨ ᠤ ᠰᠦᠮᠡᠲᠤ ᠰᠤᠮᠤᠨ ᠤ ᠴᠠᠭᠠᠠᠤᠪᠤᠭᠠ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠮᠠᠰᠢᠪᠢᠯᠢᠭ᠍ ᠤᠨ ᠳ᠋ᠤ ᠬᠤᠯᠠ ᠤᠶᠢᠷᠠ ᠵᠢᠨ ᠬᠡᠶᠢᠴᠢᠨ ᠵᠤᠴᠢᠨ ᠮᠤᠷᠢᠯᠠᠨ ᠰᠠᠭᠠᠲᠠᠵᠤ᠂ ᠤᠷᠳᠤᠰ ᠨᠤᠲᠤᠭ ᠤᠨ ᠪᠠᠷᠠᠭᠤᠨ ᠲᠦᠷᠪᠡᠨ ᠬᠤᠰᠢᠭᠤᠨ ᠤ ᠨᠤᠲᠤᠭ ᠨᠤᠲᠤᠭ ᠤᠨ ᠴᠠᠰᠤ ᠴᠢᠬᠢᠭ᠂ ᠬᠦᠢᠲᠠᠨ ᠲᠤᠯᠠᠭᠠᠨ ᠤ ᠲᠤᠬᠠᠢ ᠮᠡᠨᠳᠦ ᠵᠢᠨ ᠦᠬᠡᠨ ᠳ᠋ᠤ ᠲᠤᠭᠤᠯᠲᠠᠨᠠ᠃ ᠡᠨᠳᠡ ᠦᠨᠦᠳᠦᠷ 2024 ᠤᠨ ᠵᠢᠡᠨ ᠦᠳᠡᠵᠤ᠂ ᠰᠢᠨᠡ ᠵᠢᠯ ᠵᠢᠡᠨ ᠤᠭᠲᠤᠬᠤ︽ᠰᠤᠨᠤᠷ ᠤᠨ ᠬᠠᠨᠢ︾ᠬᠤᠯᠪᠤᠭᠠᠨ ᠤ ᠠᠷᠪᠠᠨ ᠲᠠᠪᠤᠳᠠᠬᠢ ᠤᠳᠠᠭᠠᠨ ᠤ ᠰᠤᠶᠤᠯ ᠤᠷᠠᠯᠢᠭ ᠤᠨ ᠴᠤᠭᠯᠠᠭᠠᠨ᠂ ᠠᠮᠠᠨ ᠦᠯᠢᠬᠡᠷ ᠤᠨ ᠤᠷᠤᠯᠳᠤᠭᠠᠨ ᠵᠢᠴᠢ ᠮᠸᠲ᠋ᠯ ᠵᠡᠬᠦᠯᠬᠡᠬᠦ ᠶᠤᠰᠤᠯᠠᠯ ᠶᠠᠪᠤᠭᠳᠠᠵᠤ ᠪᠠᠶᠢᠯᠠ᠃
︽ᠰᠤᠨᠤᠷ ᠤᠨ ᠬᠠᠨᠢ︾ᠬᠤᠯᠪᠤᠭᠠ ᠪᠤᠯ ᠮᠠᠨ ᠤ ᠬᠤᠲᠠ ᠵᠢᠨ ᠡᠯᠡ ᠬᠤᠰᠢᠭᠤ ᠲᠤᠭᠤᠷᠢᠭ ᠵᠢᠴᠢ ᠮᠠᠨ ᠤ ᠤᠷᠤᠨ ᠤ ᠵᠠᠷᠢᠮ ᠠᠶᠢᠮᠠᠭ ᠬᠤᠲᠠ ᠵᠢᠨ ᠮᠠᠯᠴᠢᠳ ᠲᠠᠷᠢᠶᠠᠴᠢᠳ ᠵᠢᠡᠷ ᠪᠦᠷᠢᠯᠳᠦᠭᠰᠡᠨ ᠬᠤᠯᠪᠤᠭᠠ ᠪᠤᠯᠤᠨᠠ᠃ ᠡᠳᠡᠬᠡᠷ ᠬᠦᠮᠦᠰ ᠠᠵᠢᠯ ᠤᠨ ᠵᠠᠪᠰᠠᠷ᠂ ᠠᠮᠢᠵᠢᠭᠤᠯᠭᠠ ᠵᠢᠨ ᠬᠤᠭᠤᠷᠤᠨᠳᠤ ᠤᠷᠳᠤᠰ ᠤᠨ ᠮᠤᠨᠭᠭᠤᠯ ᠷᠠᠳᠢᠤ᠋ ᠪᠡᠨ ᠪᠠᠶᠢᠨᠭᠭᠤ ᠰᠤᠨᠤᠰᠤᠨ᠂ ᠡᠯᠡ ᠲᠦᠷᠦᠯ ᠤᠨ ᠨᠠᠪᠲᠠᠷᠡᠬᠦᠯᠬᠡ ᠳ᠋ᠤ ᠢᠳᠡᠪᠬᠢᠲᠠᠢ ᠪᠡᠷ ᠤᠷᠤᠯᠴᠠᠵᠤ ᠪᠠᠶᠢᠭᠰᠠᠭᠠᠷ ᠬᠤᠭᠤᠷᠤ ᠬᠤᠭᠤᠷᠤᠨᠳᠤ ᠪᠡᠨ ᠳᠠᠭᠤ ᠬᠤᠭᠤᠯᠠᠢ ᠪᠡᠷ ᠵᠢᠡᠨ ᠲᠠᠨᠢᠯᠴᠠᠵᠤ᠂ ᠠᠷᠪᠠᠭᠠᠳ ᠵᠢᠯ ᠤᠨ ᠲᠡᠷᠲᠡᠭᠡ ᠡᠴᠡ ᠸᠢᠴᠠᠲ ᠬᠤᠯᠪᠤᠭᠠ ᠪᠠᠶᠢᠭᠤᠯᠤᠨ᠂ ᠴᠢᠯᠥᠬᠡᠲᠡᠢ ᠵᠤᠭᠤᠭᠳᠠᠳᠠᠭ ᠪᠤᠯᠵᠠᠢ᠃ ᠡᠬᠦᠨ ᠤ ᠬᠠᠮᠲᠤ ᠨᠢᠬᠡ ᠵᠢᠯ ᠨᠢᠬᠡ ᠤᠳᠠᠭᠠ ᠪᠤᠶᠤ ᠬᠤᠶᠠᠷ ᠤᠳᠠᠭᠠ ᠬᠠᠮᠲᠤ ᠳ᠋ᠠᠭᠠᠨ ᠴᠤᠭᠯᠠᠷᠠᠨ ᠤᠷᠳᠤᠰ ᠤᠨ ᠮᠤᠨᠭᠭᠤᠯ ᠷᠠᠳᠢᠥ᠌ ᠵᠢᠨ ᠨᠡᠪᠲᠡᠷᠡᠬᠦᠯᠥᠭᠴᠢ᠂ ᠬᠦᠲᠦᠯᠥᠭᠴᠢ᠂ ᠨᠠᠶᠢᠷᠠᠭᠤᠯᠤᠭᠴᠢ᠂ ᠬᠢᠨᠠᠭᠴᠢᠳ ᠢ ᠤᠷᠢᠨ ᠠᠮᠠᠨ ᠦᠯᠢᠬᠡᠷ ᠤᠨ ᠤᠷᠤᠯᠳᠤᠭᠠᠨ᠂ ᠤᠨᠢᠰᠤᠭᠠ ᠲᠠᠭᠠᠬᠤ ᠨᠠᠭᠠᠳᠤᠮ ᠶᠠᠪᠤᠭᠳᠠᠭᠤᠯᠤᠨ ᠨᠢᠬᠡ ᠨᠢᠬᠡ ᠪᠡᠨ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠭᠵᠢᠭᠤᠯᠳᠠᠭ ᠠᠵᠢ᠃
ᠮᠠᠰᠢ ᠪᠤᠯ ᠲᠤᠰ ᠬᠤᠯᠪᠤᠭᠠᠨ ᠤ ᠠᠬᠠᠯᠠᠭᠴᠢ ᠪᠢᠯᠡ᠃ ᠲᠡᠷᠡ ᠰᠤᠷᠪᠤᠯᠵᠢᠯᠠᠭᠴᠢ ᠳ᠋ᠤ᠄︽ᠮᠠᠨ ᠤ ᠬᠤᠯᠪᠤᠭᠠᠨ ᠳ᠋ᠤ ᠪᠠᠶᠢᠭᠠ ᠬᠦᠮᠦᠰ ᠴᠦᠮ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ᠂ ᠪᠢᠳᠠ ᠴᠤᠬᠤᠮ ᠶᠠᠭ︿ᠠᠳᠤᠭᠤ ᠮᠠᠯ ᠳ᠋ᠠᠭᠠᠨ ᠶᠠᠪᠤᠬᠤ ᠳ᠋ᠤ ᠠᠯᠠᠭᠠᠨ ᠲᠡᠭᠡᠷᠡ ᠪᠡᠨ ᠲᠠᠯᠪᠢᠳᠠᠭ᠂ ᠠᠶᠢᠯ ᠬᠡᠷ ᠲᠡᠭᠡᠨ ᠪᠠᠶᠢᠬᠤ ᠳ᠋ᠤ ᠠᠪᠳᠠᠷᠠ ᠲᠡᠭᠡᠷᠡ ᠪᠡᠨ ᠲᠠᠯᠪᠢᠳᠠᠭ﹀ᠬᠡᠭᠴᠢ ᠪᠡᠷ ᠮᠤᠨᠭᠭᠤᠯ ᠷᠠᠳᠢᠣ᠋ ᠪᠡᠨ ᠡᠳᠦᠷ ᠪᠤᠯᠭᠠᠨ ᠰᠤᠨᠤᠰᠴᠤ᠂ ᠲᠡᠨᠳᠡ ᠡᠴᠡ ᠶᠡᠭᠡ ᠤᠯᠠᠨ ᠮᠡᠳᠡᠯᠬᠡ ᠵᠢᠨ ᠬᠤᠷᠠᠮᠳᠠᠭᠤᠯᠤᠯ ᠬᠢᠳᠡᠭ᠂ ᠡᠨᠡ ᠤᠳᠠᠭᠠ ᠮᠠᠨ ᠤ ᠬᠤᠯᠪᠤᠭᠠᠨ ᠤ ᠴᠤᠭᠯᠠᠭᠠᠨ ᠠᠷᠪᠠᠨ ᠲᠠᠪᠤᠳᠠᠬᠢ ᠤᠳᠠᠭᠠ ᠪᠡᠨ ᠤᠭᠲᠤᠨ ᠠᠪᠤᠯᠠ᠂ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠲᠦᠷᠪᠡᠨ ᠬᠤᠰᠢᠭᠤᠨ︵ᠬᠠᠨᠭᠭᠢᠨ ᠬᠤᠰᠢᠭᠤ᠂ ᠤᠲᠤᠭ ᠬᠤᠰᠢᠭᠤ᠂ ᠤᠲᠤᠭ ᠤᠨ ᠡᠮᠦᠨᠡᠲᠤ ᠬᠤᠰᠢᠭᠤ᠂ ᠦᠤᠰᠢᠨ ᠬᠤᠰᠢᠭᠤ︶ ᠤ ᠭᠤᠴᠢ ᠭᠠᠷᠤᠢ ᠰᠤᠨᠤᠰᠤᠭᠴᠢᠳ ᠦᠨᠦᠳᠦᠷ ᠮᠠᠨ ᠤ ᠳ᠋ᠤ ᠴᠤᠭᠯᠠᠷᠠᠨ ᠮᠡᠳᠡᠯᠬᠡ ᠵᠢᠨ ᠤᠷᠤᠯᠳᠤᠭᠠᠨ ᠬᠢᠵᠤ ᠮᠸᠲᠯ ᠵᠡᠬᠦᠯᠬᠡᠬᠦ ᠪᠤᠯᠤᠭᠰᠠᠨ ᠳ᠋ᠠᠭᠠᠨ ᠶᠡᠭᠡ ᠪᠠᠶᠠᠷᠲᠠᠢ ᠪᠠᠶᠢᠨᠠ᠂ ᠳᠠᠭᠠᠤ ᠳ᠋ᠤ ᠨᠢ ᠡᠬᠦᠷᠢᠳᠡ ᠪᠢᠳᠠᠨ ᠳ᠋ᠤ ᠰᠠᠶᠢᠨ ᠰᠠᠶᠢᠬᠠᠨ ᠢ ᠰᠤᠨᠤᠷᠲᠠᠭᠤᠯᠵᠤ᠂ ᠪᠢᠳᠠᠨ ᠵᠢᠡᠨ ᠤᠷᠮᠠᠰᠢᠭᠤᠯᠵᠤ ᠶᠠᠪᠤᠳᠠᠭ ᠮᠤᠨᠭᠭᠤᠯ ᠷᠠᠳᠢᠣ᠋ ᠵᠢᠨ ᠬᠢᠨ ᠳ᠋ᠡᠬᠡᠨ ᠪᠠᠶᠠᠷᠯᠠᠯᠠ ᠬᠡᠵᠤ ᠬᠡᠯᠡᠶᠡ︾ᠬᠡᠵᠤ ᠶᠠᠷᠢᠯᠠ᠃