︽ᠰᠢᠨᠡ ᠴᠠᠭ ᠤᠨ ᠬᠠᠷᠠ ᠲᠠᠮᠠᠭᠢ︾ ᠢᠢ ᠰᠡᠷᠭᠡᠶᠢᠯᠡᠶᠡ
2025-03-09 05:38:37
ᠴᠠᠭ ᠡᠷᠡᠨ ᠤ ᠭᠦᠭ᠍ᠵᠢᠯᠲᠡ ᠠᠴᠠ ᠪᠤᠯᠵᠤ ᠣᠶᠤᠨᠳᠤ ᠭᠠᠷ ᠤᠲᠠᠰᠤ ᠨᠢ ᠬᠦᠮᠦᠨ ᠠᠷᠠᠳ ᠤᠨ ᠬᠠᠷᠢᠯᠴᠠᠭᠠ ᠬᠤᠯᠪᠤᠭᠠᠨ ᠳᠤ ᠲᠤᠲᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠴᠢᠬᠤᠯᠠ ᠵᠠᠭᠤᠴᠢ ᠪᠤᠯᠤᠭᠰᠠᠨ ᠶᠤᠮ᠃ ᠭᠠᠷ ᠤᠲᠠᠰᠤ ᠪᠠᠷ ᠬᠦᠮᠦᠰ ᠪᠠᠭᠠ ᠰᠠᠭᠠ ᠤᠴᠢᠷ ᠶᠠᠪᠤᠳᠠᠯ ᠢᠶᠠᠨ ᠰᠶᠢᠳᠪᠦᠷᠢᠯᠡᠬᠦ ᠳᠤ ᠲᠦᠭᠦᠮ ᠮᠦᠷᠳᠡᠭᠡᠨ ᠵᠤᠭᠤᠰᠤᠨ ᠳᠤ ᠠᠷᠪᠢᠳᠠᠢ᠃ ᠡᠬᠦᠨ ᠤ ᠳᠠᠭᠠᠤ ᠨᠠᠭᠠᠳᠤᠮ ᠵᠤᠭᠠ ᠴᠡᠩᠭᠡᠯ ᠤᠨ ᠠᠭᠤᠯᠭᠠ ᠲᠠᠢ ᠵᠢᠷᠤᠭ ᠲᠦᠷᠰᠦ ᠪᠤᠶᠤ ᠪᠢᠴᠢᠯᠬᠡ ᠪᠡᠨ ᠨᠢᠬᠡ ᠨᠢᠬᠡᠨ ᠳ᠋ᠡᠬᠡᠨ ᠳᠠᠮᠵᠢᠭᠤᠯᠵᠤ᠂ ᠨᠢᠭᠡᠨ ᠴᠠᠭ ᠤᠨ ᠪᠠᠶᠠᠰᠤᠯ ᠪᠤᠯᠭᠠᠵᠤ᠂ ᠨᠦᠭᠦᠷᠯᠡᠯ ᠢᠶᠠᠨ ᠵᠤᠵᠠᠭᠠᠳᠬᠠᠨ ᠨᠠᠶᠢᠷ ᠰᠡᠳᠭᠢᠯᠭᠡ ᠪᠠᠨ ᠨᠡᠮᠡᠭ᠍ᠳᠡᠭᠦᠯᠵᠤ ᠪᠤᠯᠤᠨᠠ᠃
ᠨᠡᠩ ᠢᠯᠡᠩᠭᠤᠶᠠ ᠦᠢᠷᠡ ᠢᠢᠨ ᠵᠢᠯ ᠠᠴᠠ ᠲᠢᠺ ᠲᠤᠺ ᠭᠠᠷᠴᠤ ᠢᠷᠡᠭ᠍ᠰᠡᠨ ᠠᠴᠠ ᠬᠦᠮᠦᠰ ᠤᠨ ᠦᠵᠡᠵᠦ ᠰᠤᠨᠢᠷᠬᠠᠬᠤ ᠬᠦᠷᠢᠶᠡ ᠭᠡᠪᠴᠢᠶᠡ ᠦᠷᠭᠡᠵᠢᠨ᠂ ᠭᠠᠷ ᠤᠲᠠᠰᠤᠨ ᠤ ᠰᠤᠷᠢᠨᠵᠢᠨ ᠬᠦᠴᠦᠨ ᠲᠤᠩ ᠦᠨᠳᠦᠷ ᠪᠤᠯᠵᠤ᠂ ᠮᠠᠰᠢ ᠠᠷᠪᠢᠨ︽ᠰᠦᠯᠵᠢᠶᠡᠨ ᠤ ᠤᠳᠤᠳ︾ ᠢᠯᠡᠷᠡᠵᠤ ᠤᠯᠠᠨ ᠤ ᠰᠡᠳᠭᠢᠯ ᠤᠨ ᠤᠷᠤᠨ ᠵᠠᠢ ᠢᠢ ᠡᠵᠡᠯᠡᠭᠰᠡᠨ ᠪᠠᠶᠢᠨᠠ᠃
ᠬᠡᠪᠡᠴᠤ︽ᠤᠯᠠᠳᠠᠪᠠᠯ ᠤᠯᠢᠭ ᠨᠢ ᠠᠯᠳᠠᠷᠠᠨᠠ︾ ᠭᠡᠭ᠍ᠴᠢ ᠪᠠᠷ ᠤᠳᠤ ᠭᠠᠷ ᠤᠲᠠᠰᠤᠨ ᠤ ᠡᠯᠳᠡᠪ ᠮᠡᠳᠡᠬᠡᠯᠡᠯ ᠳ᠋ᠤ ᠬᠤᠳᠠᠯ ᠬᠠᠭᠤᠷᠮᠠᠭ᠂ ᠪᠤᠯᠭᠢ ᠪᠦᠳᠦᠭᠦᠯᠢᠭ᠂ ᠪᠤᠵᠠᠷ ᠰᠠᠮᠠᠭᠤᠨ ᠵᠦᠢᠯ ᠴᠤ ᠬᠤᠳᠬᠤᠯᠳᠤᠭᠠᠳ ᠤᠯᠢᠭ ᠨᠢ ᠠᠯᠳᠠᠷᠠᠵᠤ ᠪᠠᠶᠢᠨᠠ᠃ ᠨᠡᠩ ᠢᠯᠡᠩᠭᠤᠶᠠ ᠵᠠᠷᠢᠮ ᠬᠤᠳᠠᠯ ᠮᠡᠳᠡᠭᠡ᠂ ᠮᠡᠭᠡᠯᠡᠯ ᠤᠨ ᠮᠡᠳᠡᠭᠡ ᠨᠢ ᠬᠦᠮᠦᠰ ᠤᠨ ᠰᠡᠳᠭᠢᠯ ᠢ ᠲᠦᠭᠡᠷᠢᠭᠦᠯᠵᠦ ᠲᠠᠷᠢᠭᠢ ᠲᠤᠯᠤᠭᠠᠢ ᠢᠢ ᠨᠢ ᠪᠤᠷᠤᠭᠤ ᠵᠦᠭ ᠬᠦᠳᠦᠯᠵᠤ ᠪᠠᠶᠢᠨᠠ᠃ ᠭᠠᠷ ᠤᠲᠠᠰᠤ ᠨᠢ ᠬᠦᠮᠦᠨ ᠠᠷᠠᠳ ᠤᠨ ᠰᠡᠳᠭᠢᠯ ᠢ ᠡᠵᠡᠮᠳᠡᠵᠦ ᠭᠡᠤᠭᠡᠳ ᠪᠠᠭᠠᠴᠤᠳ ᠠᠴᠠ ᠭᠦᠭ᠍ᠰᠢᠨ ᠨᠠᠰᠤᠳᠠᠶᠢᠴᠤᠳ ᠭᠦᠷᠳᠡᠯᠡ ᠭᠠᠷ ᠤᠲᠠᠰᠤᠨ ᠠᠴᠠ ᠰᠠᠯᠵᠤ ᠶᠠᠳᠠᠨᠠ᠃ ᠦᠷᠯᠦᠭᠡ ᠡᠷᠲᠡ ᠨᠢᠳᠦ ᠨᠡᠭᠡᠮᠡᠭ᠍ᠴᠡ ᠭᠠᠷ ᠤᠲᠠᠰᠤ ᠲᠠᠢ ᠪᠠᠨ ᠨᠤᠴᠤᠯᠳᠤᠨᠠ᠃ ᠠᠵᠢᠯ ᠭᠦᠳᠡᠯᠮᠦᠷᠢ ᠢᠢᠨ ᠲᠤᠮᠲᠠ᠂ ᠴᠠᠢ ᠪᠤᠳᠠᠭᠠ ᠢᠳᠡᠬᠦ ᠢᠢᠨ ᠵᠠᠪᠰᠠᠷ ᠲᠤ ᠡᠰᠡᠭᠦᠯᠡ ᠲᠤᠨᠤᠯᠵᠢᠨ ᠵᠠᠮ ᠲᠡᠭᠡᠷᠡ ᠨᠤᠭᠤᠭᠠᠨ ᠳ᠋ᠧᠩ ᠬᠦᠯᠢᠶᠡᠬᠦ ᠢᠢᠨ ᠵᠠᠭᠤᠷᠠ ᠴᠦ ᠭᠡᠰᠡᠨ ᠭᠠᠷ ᠤᠲᠠᠰᠤ ᠪᠠᠨ ᠱᠠᠭᠠᠶᠢᠵᠤ ᠠᠪᠤᠨᠠ᠃ ᠵᠢᠭᠠᠬᠠᠨ ᠴᠠᠭ ᠢ ᠠᠯᠳᠠᠯ ᠦᠭᠡᠢ ᠭᠠᠷ ᠤᠲᠠᠰᠤ ᠳᠤ ᠰᠢᠨᠤᠭᠰᠠᠨ ᠠᠴᠠ ᠲᠡᠷᠡ ᠨᠢ ᠠᠵᠢᠯ ᠰᠤᠷᠤᠯᠭᠠ ᠢᠢ ᠲᠤᠩ ᠶᠡᠭᠡ ᠨᠦᠯᠦᠭᠡᠯᠡᠵᠦ ᠲᠦᠷᠦᠯ ᠰᠠᠳᠤᠨ᠂ ᠨᠠᠶᠢᠵᠠ ᠨᠦᠭᠦᠳ ᠤᠨ ᠬᠤᠭᠤᠷᠤᠨᠳᠤᠭᠢ ᠬᠠᠷᠢᠴᠠᠭᠠ ᠢᠢ ᠬᠤᠯᠠᠳᠠᠭᠤᠯᠤᠨᠠ᠃
ᠦᠩᠭᠡᠷᠡᠭ᠍ᠰᠡᠨ ᠳᠤ ᠬᠦᠮᠦᠰ ᠬᠤᠭᠤᠷᠤᠨᠲᠤ ᠪᠠᠨ ᠠᠭᠤᠯᠵᠠᠵᠤ ᠶᠠᠷᠢᠯᠴᠠᠬᠤ ᠪᠠᠷ ᠲᠠᠮᠵᠢᠨ ᠬᠠᠷᠢᠯᠴᠠᠭᠠ ᠬᠤᠯᠪᠤᠭᠠ ᠨᠢ ᠰᠠᠶᠢᠵᠢᠷᠠᠵᠤ ᠨᠦᠭᠦᠷᠯᠡᠯ ᠪᠠᠨ ᠵᠤᠵᠠᠭᠠᠳᠬᠠᠵᠤ ᠪᠠᠶᠢᠯᠠ᠃ ᠭᠡᠲᠡᠯᠡ ᠤᠳᠤ ᠬᠦᠮᠦᠰ ᠵᠦᠪᠭᠡᠨ ᠤᠴᠢᠷ ᠪᠠᠶᠢᠪᠠᠯ ᠭᠠᠷ ᠤᠲᠠᠰᠤ ᠪᠠᠷ ᠲᠦᠭᠦᠮᠭᠡᠨ ᠬᠠᠷᠢᠯᠴᠠᠵᠤ ᠰᠢᠢᠳᠪᠦᠷᠢᠯᠡᠨᠡ᠃ ᠢᠩᠭᠢᠭ᠍ᠰᠡᠨ ᠠᠴᠠ ᠭᠦᠮᠦᠰ ᠤᠨ ᠬᠤᠭᠤᠷᠤᠨᠲᠤᠭᠢ ᠨᠡᠶᠢᠷ ᠰᠡᠳᠭᠢᠯᠭᠡ ᠬᠤᠯᠠᠳᠠᠨᠠ᠃ ᠭᠠᠷ ᠣᠲᠠᠰᠤᠨ ᠳᠤ ᠠᠯᠮᠠᠶᠢᠷᠠᠵᠤ ᠶᠠᠪᠤᠭᠰᠠᠨ ᠠᠴᠠ ᠪᠤᠯᠵᠤ᠂ ᠠᠵᠢᠯ ᠰᠤᠷᠤᠯᠭᠠ ᠳᠤ ᠵᠠᠷᠤᠴᠠᠭᠤᠯᠬᠤ ᠴᠠᠭ ᠨᠢ ᠪᠠᠭᠠᠰᠴᠤ ᠭᠡᠪ ᠤᠨ ᠠᠮᠢᠳᠤᠷᠠᠯ ᠢ ᠨᠦᠯᠦᠭᠡᠯᠡᠨᠡ᠃ ᠲᠦᠷᠦᠭᠦᠭᠡᠨ ᠪᠢ ᠨᠢᠭᠡ ᠨᠠᠯᠢᠶᠠᠳ ᠰᠠᠶᠢᠨ ᠵᠤᠭᠢᠶᠡᠯ ᠪᠢᠴᠢᠳᠡᠭ ᠬᠦᠮᠦᠨ ᠠᠴᠠ ᠤᠷᠴᠢᠮ ᠶᠠᠮᠠᠷ ᠪᠦᠳᠦᠭᠡᠯ ᠭᠠᠷᠭᠠᠭᠰᠠᠨ ᠢ ᠠᠰᠠᠭᠤᠬᠤ ᠳᠤ᠄ ︽ᠦᠢᠷᠡ ᠳᠤ ᠪᠢᠴᠢᠭ᠍ᠰᠡᠨ ᠶᠠᠭᠤᠮᠠ ᠪᠠᠶᠢᠬᠤ ᠦᠭᠡᠢ᠃ ᠪᠦᠷ ᠯᠠ ᠡᠨᠡ ᠮᠠᠭᠤ ᠭᠠᠷ ᠤᠲᠠᠰᠤᠨ ᠤ ᠤᠷᠰᠢᠭ᠂ ᠪᠦᠬᠦ ᠴᠠᠭ ᠢᠶᠠᠨ ᠲᠡᠭᠦᠨ ᠳᠤ ᠲᠠᠯᠪᠢᠭᠠᠳ ᠨᠤᠮ᠂ ᠵᠤᠭᠢᠶᠠᠯ ᠳᠤ ᠶᠡᠷᠦ ᠤᠶᠢᠷᠠᠳᠤᠭᠰᠠᠨ ᠦᠭᠡᠢ︕︾ ᠭᠡᠨᠡ᠃ ᠡᠨᠡ ᠮᠡᠲᠦ ᠪᠠᠷ ︽ᠭᠠᠷ ᠤᠲᠠᠰᠤᠨ ᠤ ᠮᠠᠭᠤ︾ ᠠᠴᠠ ᠪᠤᠯᠵᠤ ᠠᠵᠢᠯ ᠰᠤᠷᠤᠯᠭᠠ ᠪᠠᠨ ᠨᠦᠯᠦᠭᠡᠯᠡᠵᠦ ᠰᠦᠨᠢ ᠨᠢ︽ᠰᠢᠨᠡ ᠴᠠᠭ ᠤᠨ ᠬᠠᠷᠠ ᠲᠡᠮᠡᠭᠢ︾ ᠳᠤ ᠰᠢᠨᠦᠵᠦ ᠂ ᠡᠳᠦᠷ ᠨᠢ ᠦᠳᠡ ᠪᠤᠯᠲᠠᠯᠠ ᠤᠨᠲᠠᠵᠤ ︽ᠡᠳᠦᠷ ᠰᠦᠨᠢ ᠲᠤᠩᠭᠤᠷᠠᠵᠤ︾ ᠪᠠᠶᠢᠬᠤ ᠢᠢ ᠶᠠᠭᠤᠨ ᠦᠭᠦᠯᠡᠬᠦ ᠪᠤᠢ︖ ᠬᠠᠶᠠ ᠭᠠᠷ ᠤᠲᠠᠰᠤ ᠱᠠᠭᠠᠶᠢᠨ ᠶᠠᠪᠤᠵᠤ ᠪᠠᠶᠢᠭᠠᠳ ᠲᠡᠷᠭᠡ ᠤᠨᠤᠭᠠᠨ ᠳᠤ ᠮᠦᠷᠭᠦᠯᠳᠦᠨ ᠠᠮᠢ ᠨᠠᠰᠤ ᠪᠠᠨ ᠠᠯᠳᠠᠭᠰᠠᠳ ᠴᠦ ᠰᠤᠨᠤᠰᠳᠠᠨᠠ᠃ ᠵᠠᠷᠢᠮ ᠨᠢ ᠲᠡᠷᠭᠡ ᠵᠢᠯᠤᠭᠤᠳᠬᠤ ᠢᠢᠨ ᠲᠠᠭᠠᠤ ᠭᠠᠷ ᠤᠲᠠᠰᠤ ᠦᠵᠡᠵᠦ ᠬᠦᠨᠲᠦ ᠶᠡᠭᠡ ᠵᠠᠮ ᠬᠠᠷᠢᠯᠴᠠᠭᠠᠨ ᠤ ᠠᠳᠡᠯ ᠭᠠᠷᠭᠠᠭᠰᠠᠨ ᠪᠠᠶᠢᠳᠠᠭ᠃ ᠭᠡᠳᠦᠢ ᠬᠠᠷᠠᠮᠰᠠᠯᠳᠠᠢ᠂ ᠭᠡᠳᠦᠢ ᠠᠶᠤᠯᠲᠠᠢ ᠤᠴᠢᠷ ᠶᠤᠮ ᠳ᠋ᠠ︕
ᠭᠠᠷ ᠤᠲᠠᠰᠤᠨ ᠤ ᠲᠤᠭᠯᠠᠭᠠᠮ ᠳᠤ ᠭᠡᠤᠭᠡᠳ ᠪᠠᠭᠠᠴᠤᠳ ᠠᠴᠠ ᠶᠡᠭᠡ ᠬᠦᠮᠦᠨ ᠭᠦᠷᠳᠡᠯᠡ ᠰᠢᠨᠤᠵᠤ ᠭᠡᠪ ᠤᠨ ᠠᠵᠢᠯ ᠰᠤᠷᠤᠯᠭᠠ ᠢᠢ ᠨᠦᠯᠦᠭᠡᠯᠡᠵᠦ ᠪᠠᠶᠢᠨᠠ᠃ ᠴᠦᠭᠡᠨ ᠪᠤᠰᠤ ᠪᠠᠭᠠᠴᠤᠳ ᠨᠢᠭᠡᠨᠲᠡ ᠭᠠᠷ ᠤᠲᠠᠰᠤᠨ ᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠮᠵᠢᠶᠡᠨ ᠳᠤ ᠭᠦᠷᠴᠦ ᠡᠭᠡᠴᠦᠤᠯ ᠨᠢ ᠭᠠᠷ ᠤᠲᠠᠰᠤ ᠢᠢ ᠨᠢ ᠬᠤᠷᠢᠶᠠᠵᠤ ᠠᠪᠬᠤ ᠳᠤ ᠠᠰᠠᠷ ᠠᠴᠠ ᠦᠰᠦᠷᠦᠭ᠍ᠰᠡᠨ ᠦᠵᠡᠭ᠍ᠳᠡᠯ ᠴᠦ ᠭᠠᠷᠴᠤ ᠪᠤᠢ᠂ ᠪᠠᠭᠠᠴᠤᠳ ᠭᠡᠤᠭᠡᠳ ᠰᠦᠨᠢ ᠭᠠᠷ ᠤᠲᠠᠰᠤᠨ ᠳᠤ ᠰᠢᠭᠡᠳᠴᠦ ᠬᠤᠨᠤᠭᠰᠠᠨ ᠠᠴᠠ ᠡᠳᠦᠷ ᠨᠢ ᠪᠤᠰᠬᠤ ᠦᠭᠡᠢ᠂ ᠬᠤᠶᠠᠷ ᠨᠢᠳᠦ ᠨᠢ ᠴᠤᠭ ᠰᠦᠯᠳᠡ ᠦᠭᠡᠢ ᠪᠤᠯᠵᠤ᠂ ᠭᠢᠴᠢᠶᠡᠯ ᠤᠷᠤᠬᠤ ᠳ᠋ᠠᠭᠠᠨ ᠴᠦ ᠨᠤᠶᠢᠷᠮᠤᠭᠯᠠᠵᠤ᠂ ᠤᠶᠤᠨ ᠤᠬᠠᠭᠠᠨ ᠰᠤᠩ ᠰᠦᠨᠡᠰᠦ ᠪᠠᠨ ᠭᠠᠷ ᠤᠲᠠᠰᠤᠨ ᠳᠤ ᠡᠵᠡᠮᠳᠡᠭᠦᠯᠦᠭ᠍ᠰᠡᠨ ᠪᠠᠶᠢᠳᠠᠭ᠃ ᠨᠡᠩ ᠴᠢᠨᠠᠭᠰᠢᠯᠠᠨ ᠭᠠᠷ ᠤᠲᠠᠰᠤᠨ ᠤ ᠨᠠᠭᠠᠳᠤᠮ ᠤᠨ ᠤᠷᠴᠢᠨ ᠳᠤ ᠤᠷᠤᠵᠤ ᠬᠠᠷᠢᠯᠴᠠᠨ ᠨᠢᠭᠡᠨ ᠨᠢᠭᠡᠨ ᠢᠶᠠᠨ ᠬᠤᠤᠷᠯᠠᠭᠰᠠᠨ ᠶᠠᠪᠤᠳᠠᠯ ᠴᠦ ᠭᠠᠷᠴᠤ ᠪᠠᠶᠢᠨᠠ᠃ ᠡᠶᠢᠮᠦ ᠪᠠᠶᠢᠳᠠᠯ ᠦᠷᠭᠦᠯᠵᠢᠯᠡᠪᠡᠯ ᠤᠯᠤᠰ ᠦᠨᠳᠦᠰᠦᠳᠡᠨ ᠤ ᠢᠷᠡᠭᠡᠳᠦᠢ ᠶᠠᠮᠠᠷ ᠪᠠᠶᠢᠳᠠᠯ ᠳᠤ ᠤᠷᠤᠬᠤ ᠪᠤᠯ︖ ᠴᠦᠭᠡᠨ ᠪᠤᠰᠤ ᠬᠦᠮᠦᠨ ᠬᠤᠳᠠᠯ ᠬᠠᠭᠤᠷᠮᠠᠭ ᠮᠡᠳᠡᠭᠡᠯᠡᠯ ᠳᠤ ᠤᠬᠠᠭᠠᠨ ᠠᠯᠳᠠᠵᠤ ᠰᠠᠶᠢᠨ ᠮᠠᠭᠤ᠂ ᠵᠦᠪ ᠪᠤᠷᠤᠭᠤ ᠢᠯᠭᠠᠬᠤ ᠪᠠᠨ ᠪᠠᠶᠢᠵᠤ ᠨᠠᠮ ᠵᠠᠰᠠᠭ ᠤᠨ ᠵᠢᠭᠠᠪᠤᠷᠢ ᠢᠢ ᠲᠤᠤᠱᠯᠠᠭᠤᠯᠬᠤ ᠳᠤ ᠬᠠᠷᠰᠢ ᠰᠠᠭᠠᠳ ᠤᠴᠠᠷᠠᠭᠤᠯᠵᠤ ᠪᠤᠢ᠃ ︽ᠰᠢᠨᠡ ᠴᠠᠭ ᠤᠨ ᠬᠠᠷᠠ ᠲᠡᠮᠡᠭᠢ︾ ᠳᠤ ᠤᠬᠠᠭᠠᠨ ᠰᠠᠨᠠᠭᠠ ᠪᠠᠨ ᠲᠦᠭᠡᠷᠢᠭ᠍ᠳᠡᠨ ᠨᠢᠭᠡ ᠮᠡᠳᠡᠭ᠍ᠰᠡᠨ ᠴᠢᠨᠢ ᠮᠡᠭᠡᠯᠡᠭᠦᠯᠦᠭᠡᠳ ᠠᠮᠤᠷᠤᠨᠠ᠃
ᠵᠠᠭᠤᠨ ᠵᠢᠯ ᠤᠨ ᠡᠮᠦᠨᠡᠭᠢ ᠬᠠᠷᠠ ᠲᠡᠮᠡᠭᠢ ᠨᠢ ᠮᠢᠬᠠᠨ ᠪᠡᠶᠡ ᠢᠢ ᠬᠤᠤᠷᠯᠠᠵᠤ ᠪᠠᠶᠢᠭᠰᠠᠨ ᠪᠤᠯ ︽ᠰᠢᠨᠡ ᠴᠠᠭ ᠤᠨ ᠬᠠᠷᠠ ᠲᠡᠮᠡᠭᠢ︾ ᠨᠢ ᠪᠡᠶᠡ ᠰᠡᠳᠭᠢᠯ᠂ ᠤᠶᠤᠨ ᠤᠬᠠᠭᠠᠨ᠂ ᠰᠤᠩ ᠰᠦᠨᠡᠰᠦ ᠢᠢ ᠴᠦ ᠬᠤᠤᠷᠳᠠᠭᠤᠯᠵᠤ ᠪᠠᠶᠢᠨᠠ᠃ ᠶᠠᠭ ᠡᠶᠢᠮᠦ ᠠᠴᠠ ᠪᠢᠳᠡ ᠭᠠᠷ ᠤᠲᠠᠰᠤ ᠠᠴᠠ ᠵᠠᠶᠢᠳᠠᠶᠠ︕ ᠭᠡᠯᠡᠯᠭᠡᠨ ᠦᠭᠡᠢ ᠴᠠᠭ ᠦᠶᠡ ᠢᠢᠨ ᠱᠠᠭᠠᠷᠳᠠᠯᠭᠠ ᠠᠴᠠ ᠪᠤᠯᠵᠤ ᠭᠠᠷ ᠤᠲᠠᠰᠤ ᠠᠴᠠ ᠨᠢᠭᠡᠮᠦᠰᠦᠨ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ᠲᠡᠶᠢᠮᠦ ᠪᠤᠯᠪᠠᠴᠤ ᠪᠢᠳᠡ ᠭᠠᠷ ᠤᠲᠠᠰᠤᠨ ᠤ ᠬᠤᠤᠷ ᠬᠦᠨᠦᠭᠡᠯ ᠢ ᠤᠶᠢᠯᠠᠭᠠᠵᠤ ᠵᠦᠭᠢᠰᠳᠡᠢ ᠭᠡᠷᠡᠭ᠍ᠯᠡᠶᠡ᠃ ᠲᠡᠳᠡᠭᠡᠷ ᠬᠤᠳᠠᠯ ᠬᠠᠭᠤᠷᠮᠠᠭ᠂ ᠪᠤᠯᠭᠢ ᠪᠦᠳᠦᠭᠦᠯᠢᠭ᠂ ᠪᠤᠵᠠᠷ ᠰᠠᠮᠠᠭᠤᠨ ᠮᠡᠳᠡᠭᠡᠯᠡᠯ ᠵᠢᠴᠢ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠠᠴᠠ ᠨᠢ ᠬᠤᠯᠠ ᠪᠠᠶᠢᠬᠤ ᠢᠢ ᠰᠠᠨᠠᠵᠤ ᠶᠠᠪᠤᠪᠠᠯ ᠵᠤᠭᠢᠨᠠ᠃ ᠬᠠᠮᠤᠭ ᠤᠨ ᠨᠠᠭᠠᠲᠤ ᠵᠠᠬᠠ ᠨᠢ ᠨᠢᠳᠦ ᠪᠠᠨ ᠬᠠᠮᠠᠭᠠᠯᠠᠬᠤ ᠢᠢᠨ ᠡᠭᠦᠳᠡᠨ ᠠᠴᠠ ᠭᠠᠷ ᠤᠲᠠᠰᠤ ᠢᠢ ᠪᠠᠭᠠ ᠭᠡᠷᠡᠭ᠍ᠯᠡᠶᠡ︕