ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠯᠠᠪᠰᠠᠯᠠᠬᠤ ᠴᠡᠡᠭᠭᠡᠷ ᠴᠠᠰᠤ
2025-04-01 10:03:03
ᠰᠤᠵᠠᠭ ᠤᠨ ᠨᠤᠭᠤᠭᠠ ᠢᠢ ᠰᠡᠷᠡᠭᠡᠬᠦ ᠭᠡᠵᠤ
ᠰᠢᠮᠡᠳᠥᠨ ᠰᠢᠮᠡᠳᠥᠨ ᠠᠭᠤᠰᠤᠭᠠ ᠪᠢᠯᠡ ᠤᠤ
ᠰᠡᠮᠡᠷᠡᠭ᠍ᠰᠡᠨ ᠰᠡᠳᠭᠢᠯ ᠢ ᠠᠷᠭᠠᠳᠠᠬᠤ ᠭᠡᠵᠤ
ᠰᠥᠨ ᠤ ᠥᠡᠭ᠍ᠭᠡ ᠲᠠᠢ ᠲᠥᠷᠥᠭᠡ ᠪᠢᠯᠡ ᠤᠤ
ᠤᠶᠢᠳᠬᠠᠷ ᠭᠤᠨᠢᠭ ᠢ ᠮᠢᠨᠢ ᠴᠡᠪᠡᠷᠯᠡᠬᠦ ᠭᠡᠵᠤ
ᠠᠭᠠᠷ ᠠᠴᠠ ᠪᠠᠭᠤᠭᠰᠠᠨ ᠠᠷᠢᠭᠤᠰᠬᠠᠯ ᠪᠢᠯᠡ ᠤᠤ
ᠤᠶᠤᠨ ᠰᠡᠷᠡᠯ ᠢ ᠮᠢᠨᠢ ᠤᠮᠳᠠᠯᠠᠬᠤ ᠭᠡᠵᠤ
ᠡᠭᠦᠯᠡᠨ ᠠᠴᠠ ᠲᠠᠰᠤᠷᠠᠭᠰᠠᠨ ᠷᠠᠰᠢᠶᠠᠨ ᠪᠢᠯᠡ ᠤᠤ
ᠴᠢᠮᠠ ᠳᠤ ᠰᠡᠮᠬᠡᠨ ᠤᠴᠢᠬᠤ ᠭᠡᠵᠤ
ᠵᠢᠭᠦᠷ ᠲᠠᠢ ᠪᠤᠯᠵᠤ ᠪᠠᠭᠤᠭᠠ ᠪᠢᠯᠡ ᠤᠤ
ᠵᠢᠷᠥᠬᠡᠨ ᠳᠤ ᠵᠢᠩᠭᠢᠨᠡᠨ ᠴᠤᠤᠷᠢᠶᠠᠳᠤᠬᠤ ᠭᠡᠵᠤ
ᠴᠡᠩᠬᠡᠷ ᠴᠡᠴᠡᠭ ᠤᠳ ᠪᠥᠵᠢᠭ᠍ᠯᠡᠭᠡ ᠪᠢᠯᠡ ᠤᠤ
ᠬᠤᠨ ᠤ ᠲᠡᠪᠢᠯᠳᠡ ᠪᠠᠷ ᠯᠠᠪᠰᠠᠬᠤ
ᠬᠠᠶᠢᠷᠠ ᠢᠢᠨ ᠵᠠᠬᠢᠶᠠ ᠲᠠᠢ ᠰᠢᠯᠥᠭ ᠪᠢᠯᠡ ᠤᠤ
ᠬᠠᠨᠭ᠍ᠭᠠᠢ ᠨᠤᠳᠤᠭ ᠤᠨ ᠬᠢᠵᠠᠭᠠᠷ ᠲᠠᠬᠢ
ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠪᠤᠯᠵᠤᠭᠠ ᠪᠢᠯᠡ ᠤᠤ
ᠤᠮᠤᠭᠯᠠᠩ ᠮᠤᠷᠢᠳ ᠨᠢ ᠲᠠᠪᠬᠢᠯᠳᠤᠭᠰᠠᠨ
ᠰᠢᠷᠠ ᠲᠠᠯᠠ ᠢᠢᠨ ᠲᠤᠮᠤᠭ ᠪᠢᠯᠡ ᠤᠤ
ᠤᠡᠭ᠍ᠭᠤᠨ ᠪᠠᠶᠢᠭᠠᠯᠢ ᠪᠠᠨ ᠰᠠᠨᠠᠭᠰᠠᠨ
ᠤᠳᠤᠳᠤ ᠲᠡᠭ᠍ᠷᠢ ᠢᠢᠨ ᠨᠢᠯᠪᠤᠰᠤ ᠪᠢᠯᠡ ᠤᠤ
ᠲᠤᠮᠤᠭᠳᠤ ᠪᠠᠭᠠᠳᠤᠷ ᠤᠨ ᠢᠯᠳᠤᠨ ᠠᠴᠠ
ᠤᠶᠢᠨ ᠴᠠᠭᠢᠯᠤᠭᠰᠠᠨ ᠭᠢᠯᠪᠠᠭᠠᠨ ᠪᠢᠯᠡ ᠤᠤ
ᠲᠤᠭᠰᠢᠨ ᠪᠤᠭᠤᠷᠤᠯ ᠬᠠᠶᠢᠷᠠᠬᠠᠨ ᠤ
ᠰᠥᠯᠳᠡ ᠴᠠᠭᠠᠨ ᠱᠤᠩᠬᠤᠷ ᠪᠢᠯᠡ ᠤᠤ︖
（ ᠶ᠊᠂ ᠤᠳᠬᠤᠨᠮᠠ）