ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠲᠠᠢ ᠯᠠᠪᠰᠠᠯᠠᠬᠤ ᠴᠡᠡᠭᠭᠡᠷ ᠴᠠᠰᠤ
2025-04-01 10:22:51
ᠬᠦᠯᠦᠭ ᠤᠨ ᠲᠦᠪᠡᠷᠭᠡᠨ
ᠬᠠᠵᠠᠭᠠᠷ ᠤᠨ ᠴᠢᠮᠡᠭᠡ ᠬᠠᠷᠰᠢᠵᠤ
ᠬᠦᠯᠦᠰᠦ ᠲᠠᠢ ᠲᠤᠬᠤᠮ ᠰᠡᠪᠡᠷᠡᠭᠡᠬᠦ ᠬᠤᠷᠤᠮ
ᠮᠦᠩᠬᠦᠨ ᠡᠬᠦᠯᠡ ᠮᠡᠯᠮᠡᠷᠡᠨ ᠵᠠᠶᠢᠷᠳᠤᠭᠠᠳ
ᠮᠦᠷᠦᠭᠡᠳᠦᠯ ᠭᠤᠨᠢᠭ ᠢ ᠪᠦᠷᠬᠦᠵᠦ ᠯᠠᠪᠰᠠᠯᠠᠨᠠ
ᠴᠠᠰᠤᠨ ᠯᠠᠪᠰᠠ
ᠴᠠᠬᠢᠯᠤᠩᠬᠠᠨ ᠪᠦᠵᠢᠭ᠍ᠯᠡᠵᠦ
ᠴᠡᠩᠬᠡᠷ ᠲᠡᠯᠡᠬᠡᠢ ᠪᠠᠨ ᠵᠢᠷᠤᠭᠯᠠᠬᠤ ᠬᠡᠵᠦ
ᠴᠡᠪᠡᠷᠬᠡᠨ ᠲᠤᠷᠠᠯᠠᠯ ᠤᠨ ᠬᠠᠶᠢᠷᠠ ᠤᠮᠳᠠᠯᠠᠵᠤ
ᠴᠢᠨᠤ ᠲᠡᠷᠭᠡᠳᠡ ᠠᠴᠠ ᠮᠢᠨᠤ ᠵᠦᠭ ᠪᠤᠳᠠᠷᠠᠨᠠ
ᠴᠠᠶᠢᠷᠠᠬᠤ ᠰᠢᠭᠤᠷᠭᠠᠨ
ᠴᠠᠩᠳᠤᠭᠰᠠᠨ ᠵᠤᠪᠬᠢ ᠢᠢ ᠮᠠᠷᠳᠠᠭᠤᠯᠵᠤ
ᠰᠠᠨᠴᠢᠭ ᠤᠨ ᠦᠵᠦᠬᠦᠷ ᠪᠤᠭᠤᠷᠤᠯᠳᠤᠳᠠᠯᠠ
ᠰᠠᠨᠠᠵᠤ ᠬᠦᠯᠢᠶᠡᠭ᠍ᠰᠡᠨ ᠡᠳᠦᠷ ᠬᠤᠨᠤᠭ ᠢ
ᠴᠠᠰᠤᠨ ᠰᠢᠷᠬᠡᠭ ᠡᠮᠵᠡᠭ᠍ᠯᠡᠨ ᠲᠤᠭᠠᠯᠠᠵᠤ ᠪᠠᠭᠤᠨᠠ
ᠠᠶᠠᠷᠬᠠᠨ ᠪᠦᠵᠢᠬᠦ ᠲᠡᠯᠪᠡᠭᠡ ᠢᠢᠨ ᠬᠡᠯᠳᠡᠰ
ᠠᠮᠠᠷᠠᠭ ᠬᠤᠤᠰ ᠤᠨ ᠰᠢᠪᠡᠨᠡᠭᠡ ᠢᠢ ᠴᠢᠩᠨᠠᠨ
ᠠᠩᠴᠢᠨ ᠵᠠᠯᠠᠭᠤ ᠢᠢᠨ ᠬᠠᠪᠬᠠ ᠠᠴᠠ ᠪᠤᠯᠳᠠᠨ ᠲᠤᠳᠠᠭᠠᠭᠰᠠᠨ
ᠦᠨᠡᠭᠡ ᠲᠠᠤᠯᠠᠢ ᠢᠢᠨ ᠮᠦᠷ ᠢ ᠮᠦᠰᠬᠢᠨ
ᠠᠪᠠ ᠢᠢᠨ ᠤᠯᠵᠠ ᠱᠠᠩᠨᠠᠭᠤᠯᠵᠤ
ᠠᠮᠢᠯᠠᠯ ᠤᠨ ᠠᠯᠳᠠᠨ ᠷᠠᠰᠢᠶᠠᠨ ᠬᠠᠶᠢᠷᠠᠯᠠᠨᠠ
ᠬᠦᠯᠳᠡᠬᠦᠥ ᠠᠮᠠᠭᠠᠢ ᠴᠠᠩ ᠲᠠᠢ ᠱᠠᠷᠬᠢᠬᠤ ᠦᠳᠡᠰᠢ
ᠬᠦᠷᠡᠩ ᠵᠢᠷᠤᠭᠡᠨ ᠤ ᠬᠠᠶᠢᠷᠠ ᠪᠠᠨ ᠴᠠᠰᠤᠨ ᠰᠢᠷᠬᠡᠭ ᠰᠢᠭ ᠲᠡᠯᠬᠡᠬᠡᠳ
ᠬᠦᠪᠰᠦᠷᠡᠨ ᠪᠤᠳᠠᠷᠠᠬᠤ ᠰᠢᠭᠤᠷᠭᠠᠨ ᠲᠤᠮᠳᠠᠭᠤᠷ
ᠴᠢᠨᠤᠬᠢ ᠪᠠᠨ ᠲᠡᠷᠭᠡᠳᠡ ᠬᠦᠷᠴᠦ
ᠴᠡᠴᠡᠭ ᠰᠢᠭ ᠵᠢᠷᠭᠠᠵᠤ ᠮᠦᠰᠢᠶᠡᠨᠡ
ᠲᠡᠭ᠍ᠷᠢ ᠢᠢᠨ ᠴᠠᠭᠠᠨ ᠲᠠᠬᠢᠨᠢ
ᠲᠠᠯᠠ ᠢᠢᠨ ᠬᠦᠷᠦᠰᠦ ᠢᠢ ᠢᠯᠪᠢᠵᠦ ᠴᠢᠬᠢᠭ᠍ᠰᠢᠬᠦᠯᠦᠭᠡᠳ
ᠬᠠᠨᠠᠭᠠᠷ ᠪᠠᠶᠢᠭᠠᠯᠢ ᠰᠡᠷᠬᠦᠵᠦ ᠨᠤᠭᠤᠭᠠᠷᠠᠬᠤ ᠳᠤ
ᠬᠠᠶᠢᠷᠠ ᠢᠢᠨ ᠪᠤᠯᠵᠤᠭᠠᠨ ᠳᠤ ᠬᠠᠶᠢᠯᠤᠨ ᠬᠠᠶᠢᠯᠤᠭᠰᠠᠭᠠᠷ
ᠦᠷ ᠤᠨ ᠭᠡᠭᠡ ᠳᠤ ᠦᠨᠦᠰᠦᠨ ᠠᠭᠤᠰᠤᠨᠠ᠃
（ᠪᠤᠷᠵᠢᠬᠢᠨ ᠮᠠᠨᠳᠤᠭᠡᠷᠡᠯ）