ᠪᠥᠯᠬᠦᠮᠳᠡᠯ ︱ ᠴᠢᠷᠮᠠᠶᠢᠯᠭᠠ ︱ ᠠᠮᠵᠢᠯᠲᠠ
2025-03-23 05:35:00
ᠶᠠᠮᠠᠷ ᠬᠦᠮᠦᠨ ᠶᠠᠮᠠᠷ ᠠᠵᠢᠯ ᠬᠢᠭ᠍ᠰᠡᠨ ᠴᠤ ᠪᠣᠯᠤᠭ᠂ ᠪᠥᠯᠬᠦᠮᠳᠡᠯ ᠪᠣᠯ ᠠᠮᠵᠢᠯᠲᠠ ᠣᠯᠬᠤ ᠢᠢᠨ ᠨᠥᠬᠦᠴᠡᠯ᠂ ᠴᠢᠷᠮᠠᠶᠢᠯᠭᠠ ᠪᠣᠯ ᠠᠮᠵᠢᠯᠲᠠ ᠣᠯᠬᠤ ᠢᠢᠨ ᠶᠠᠪᠤᠴᠠ᠂ ᠠᠮᠵᠢᠯᠲᠠ ᠪᠣᠯ ᠪᠥᠯᠬᠦᠮᠳᠡᠨ ᠴᠢᠷᠮᠠᠶᠢᠭᠰᠠᠨ ᠤ ᠦᠷᠡ ᠳ᠋ᠦᠩ ᠭᠡᠰᠡᠨ ᠢ ᠲᠣᠳᠣᠷᠬᠠᠢ ᠮᠡᠳᠡᠳᠡᠭ᠃ ︽ ᠣᠯᠠᠨ ᠤ ᠬᠦᠴᠦᠨ ᠳᠦ ᠠᠭᠤᠯᠠ ᠢᠢ ᠨᠡᠭᠦᠯᠭᠡᠨᠡ︾᠂ ︽ᠴᠣᠪᠣᠵᠤ ᠶᠠᠪᠤᠭᠰᠠᠨ ᠪᠠᠷᠰ ᠠᠴᠠ ᠴᠤᠭᠯᠠᠵᠤ ᠰᠠᠭᠤᠭᠰᠠᠨ ᠱᠠᠭᠠᠵᠠᠭᠠᠢ ᠳᠡᠭᠡᠷᠡ︾ᠭᠡᠳᠡᠭ᠃ ᠪᠥᠯᠬᠦᠮᠳᠡᠯ ᠪᠣᠯ ᠠᠮᠵᠢᠯᠲᠠ ᠣᠯᠬᠤ ᠢᠢᠨ ᠨᠥᠬᠦᠴᠡᠯ᠂ ᠠᠮᠵᠢᠯᠲᠠ ᠣᠯᠬᠤ ᠢᠢᠨ ᠬᠦᠴᠦ ᠮᠦᠨ᠃
ᠨᠢᠭᠡ ᠭᠡᠷ ᠪᠦᠯᠢ ᠪᠡᠷ ᠦᠵᠡᠭ᠍ᠰᠡᠨ ᠴᠤ ᠭᠡᠷ ᠪᠦᠯᠢ ᠢᠢᠨ ᠭᠡᠰᠢᠭᠦᠨ ᠪᠣᠯᠭᠠᠨ ᠬᠠᠷᠢᠯᠴᠠᠨ ᠬᠠᠪᠰᠤᠷᠴᠤ ᠬᠠᠷᠢᠯᠴᠠᠨ ᠣᠶᠢᠯᠠᠭᠠᠯᠴᠠᠵᠤ ᠪᠠᠶᠢᠪᠠᠯ ᠠᠯᠢᠪᠠ ᠪᠦᠬᠦᠨ ᠢᠯᠭᠤᠮ ᠰᠢᠯᠤᠭᠤᠨ᠂ ᠤᠷᠤᠭᠰᠢ ᠲᠠᠢ ᠳᠠᠪᠰᠢᠯᠲᠠ ᠲᠠᠢ ᠪᠣᠯᠵᠤ᠂ ᠠᠵᠤ ᠠᠮᠢᠳᠤᠷᠠᠯ ᠡᠳᠦᠷ ᠡᠴᠡ ᠡᠳᠦᠷ ᠥᠭᠡᠳᠡᠯᠡᠨ᠂ ᠥᠶᠦᠭ ᠲᠠᠩᠰᠤᠭ᠂ ᠵᠣᠯ ᠵᠢᠷᠭᠠᠯ ᠲᠠᠢ ᠪᠠᠷ ᠢᠷᠡᠭᠡᠳᠦᠢ ᠪᠡᠨ ᠤᠭᠲᠤᠬᠤ ᠪᠣᠯᠤᠨᠠ᠃ ᠬᠡᠷᠪᠡ ᠬᠡᠨ ᠠᠯᠢᠨ ᠢᠶᠠᠨ ᠣᠶᠢᠰᠢᠶᠠᠬᠤ ᠦᠭᠡᠢ᠂ ᠴᠢ ᠬᠢ ᠪᠢ ᠬᠢ ᠭᠡᠵᠦ ᠲᠦᠯᠬᠢᠯᠴᠡᠨ᠂ ᠠᠵᠢᠯ ᠶᠠᠪᠤᠳᠠᠯ ᠢᠶᠠᠨ ᠭᠦᠢᠴᠡᠳᠭᠡᠬᠦ ᠦᠭᠡᠢ᠂ ᠰᠡᠳᠭᠢᠯ ᠨᠢᠭᠡᠲᠡᠢ ᠵᠢᠳᠬᠦᠬᠦ ᠦᠭᠡᠢ᠂ ᠴᠢᠨᠠᠭᠰᠢᠯᠠᠪᠠᠯ ᠡᠳᠦᠷ ᠡᠳᠦᠷ ᠬᠡᠷᠡᠭᠦᠯ ᠴᠤᠤᠭᠢᠶᠠᠨ ᠪᠣᠯᠵᠤ᠂ ᠬᠡᠳᠡᠷ ᠲᠣᠭᠰᠢᠨ ᠠᠭᠠᠰᠢᠯᠠᠨ᠂ ᠠᠵᠢᠯ ᠠᠯᠪᠠ ᠪᠠᠨ ᠲᠤᠬᠤᠨ ᠠᠷᠤ ᠳ᠋ᠠᠭᠠᠨ ᠰᠢᠳᠡᠵᠦ᠂ ᠠᠯᠵᠠᠭᠤ ᠵᠠᠯᠬᠠᠭᠤ ᠪᠠᠨ ᠣᠷᠣᠢ ᠢᠢᠨ ᠴᠢᠮᠡᠭ ᠪᠣᠯᠭᠠᠪᠠᠯ ᠳᠠᠪᠰᠢᠯᠲᠠ ᠥᠭᠡᠳᠡᠯᠡᠯ ᠭᠡᠵᠦ ᠦᠭᠡᠢ᠂ ᠪᠠᠶᠠᠷ ᠵᠢᠷᠭᠠᠯ ᠭᠡᠵᠦ ᠦᠭᠡᠢ᠂ ᠵᠥᠪᠬᠡᠨ ᠯᠠ ᠴᠠᠭ ᠢᠶᠠᠨ ᠲᠠᠯᠠᠭᠠᠷ ᠦᠷᠡᠭᠡᠵᠦ᠂ ᠠᠮᠢᠳᠤᠷᠠᠯ ᠢᠶᠠᠨ ᠵᠦᠳᠡᠭᠦᠷᠢᠲᠡᠢ ᠦᠷᠭᠦᠯᠵᠢᠯᠡᠭᠦᠯᠦᠨ᠂ ᠡᠴᠤᠰ ᠤᠨ ᠡᠴᠤᠰ ᠲᠤ ᠪᠠᠨ ᠬᠦᠮᠦᠨ ᠦ ᠣᠷᠣᠨᠴᠣᠭ ᠲᠡᠳᠦᠢ ᠪᠡᠷ ᠠᠮᠢ ᠨᠠᠰᠤ ᠪᠠᠨ ᠳᠠᠭᠤᠰᠬᠠᠬᠤ ᠪᠣᠯᠤᠨᠠ᠃ ᠳᠡᠯᠡᠬᠡᠢ ᠶ᠋ᠢᠷᠲᠢᠨᠴᠦ ᠴᠤ ᠠᠳᠠᠯᠢᠬᠠᠨ᠃ ᠡᠩᠬᠡ ᠲᠠᠶᠢᠪᠤᠩ᠂ ᠬᠥᠭ᠍ᠵᠢᠯᠲᠡ᠂ ᠡᠷᠬᠡ ᠲᠡᠭ᠍ᠰᠢ᠂ ᠲᠥᠪ ᠭᠣᠣᠯᠴᠢ᠂ ᠠᠷᠠᠳᠴᠢᠯᠠᠯ ᠲᠠᠢ᠂ ᠡᠷᠬᠡ ᠴᠢᠯᠥᠭᠡᠲᠡᠢ ᠪᠠᠶᠢᠬᠤ ᠪᠣᠯ ᠪᠦᠬᠦ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠬᠠᠮᠲᠤ ᠢᠢᠨ ᠥᠷᠲᠡᠭ ᠦᠨ ᠦᠵᠡᠯᠲᠡ ᠪᠣᠯᠤᠨᠠ᠃ ᠡᠨ᠋ᠨ ᠬᠦ ᠠᠤᠭᠠ ᠶᠡᠬᠡ ᠵᠣᠷᠢᠯᠭᠠ ᠪᠠᠨ ᠪᠡᠶᠡᠯᠡᠭᠦᠯᠵᠦ᠂ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠬᠤᠪᠢ ᠵᠠᠶᠠᠭᠠᠨ ᠤ ᠬᠠᠮᠲᠤ ᠢᠢᠨ ᠴᠣᠭᠴᠠ ᠪᠠᠨ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠶᠠ ᠭᠡᠪᠡᠯ ᠡᠯᠡ ᠤᠯᠤᠰ ᠬᠣᠭᠣᠷᠣᠨᠳᠤ ᠪᠠᠨ ᠬᠠᠷᠢᠯᠴᠠᠨ ᠬᠦᠨᠳᠦᠳᠭᠡᠵᠦ᠂ ᠬᠠᠷᠢᠯᠴᠠᠨ ᠣᠶᠢᠯᠠᠭᠠᠯᠴᠠᠨ᠂ ᠡᠷᠬᠡ ᠳᠡᠭ᠍ᠰᠢ ᠪᠡᠷ ᠶᠠᠪᠤᠯᠴᠠᠵᠤ᠂ ᠡᠶᠡ ᠨᠠᠶᠢᠷᠰᠠᠭ ᠢᠶᠠᠷ ᠬᠠᠷᠢᠯᠴᠠᠨ᠂ ᠬᠠᠷᠢᠯᠴᠠᠨ ᠰᠤᠷᠤᠯᠴᠠᠵᠤ᠂ ᠬᠠᠷᠢᠯᠴᠠᠨ ᠨᠥᠬᠦᠪᠦᠷᠢᠯᠡᠨ᠂ ᠬᠠᠮᠲᠤ ᠪᠠᠷ ᠠᠰᠢᠭ ᠬᠦᠷᠲᠡᠵᠦ᠂ ᠬᠠᠮᠲᠤ ᠪᠠᠷ ᠳᠠᠪᠰᠢᠨ ᠳᠡᠭᠡᠭ᠍ᠰᠢᠯᠡᠬᠦ ᠪᠡᠷ ᠭᠠᠷ ᠭᠠᠷ ᠢᠶᠡᠨ ᠬᠣᠯᠪᠤᠯᠴᠠᠨ᠂ ᠵᠢᠷᠭᠠᠯ ᠵᠣᠪᠠᠯ ᠢᠶᠠᠨ ᠬᠠᠮᠳᠤᠳᠬᠠᠵᠤ᠂ ᠪᠥᠯᠬᠦᠮᠳᠡᠯ ᠨᠢᠭᠲᠠᠷᠠᠯ ᠲᠠᠢ ᠪᠠᠷ ᠤᠷᠤᠭᠰᠢᠯᠠᠬᠤ ᠬᠡᠷᠡᠭ᠍ᠲᠡᠢ᠃
ᠬᠡᠨ ᠴᠤ ᠭᠡᠳ ᠡᠨ᠋ᠨ ᠬᠣᠷᠸᠠ ᠢᠢ ᠭᠠᠭᠴᠠᠭᠠᠷ ᠡᠵᠡᠮᠰᠢᠵᠦ ᠳᠡᠶᠢᠯᠬᠦ ᠦᠭᠡᠢ᠂ ᠬᠡᠨ ᠴᠤ ᠭᠡᠳ ᠡᠨ᠋ᠨ ᠶ᠋ᠢᠷᠲᠢᠨᠴᠦ ᠢᠢ ᠭᠠᠭᠴᠠᠭᠠᠷ ᠬᠥᠭ᠍ᠵᠢᠭᠦᠯᠵᠦ ᠴᠢᠳᠠᠬᠤ ᠦᠭᠡᠢ᠃ ᠡᠨ᠋ᠨ ᠬᠣᠷᠸᠠ ᠢᠢᠨ ᠬᠥᠭ᠍ᠵᠢᠯ ᠳᠠᠪᠰᠢᠯ ᠢ ᠬᠠᠮᠲᠤ ᠪᠠᠷ ᠴᠣᠭᠴᠠᠯᠠᠵᠤ᠂ ᠡᠨ᠋ᠨ ᠶ᠋ᠢᠷᠲᠢᠨᠴᠦ ᠢᠢᠨ ᠬᠤᠪᠢ ᠵᠠᠶᠠᠭᠠ ᠢᠢ ᠬᠠᠮᠲᠤ ᠪᠠᠷ ᠲᠣᠭᠲᠠᠭᠠᠬᠤ ᠪᠣᠯᠬᠣᠷ ᠬᠡᠨ ᠬᠡᠨ ᠡᠴᠡ ᠪᠡᠨ ᠰᠠᠯᠤᠯ ᠦᠭᠡᠢ ᠨᠢᠭᠲᠠ ᠪᠥᠯᠬᠦᠮᠳᠡᠯ ᠲᠠᠢ ᠪᠠᠶᠢᠵᠤ᠂ ᠬᠦᠰᠡᠯ ᠬᠠᠷᠠᠯᠲᠠ ᠪᠠᠨ ᠨᠢᠭᠡ ᠴᠢᠭ᠍ᠯᠡᠯ ᠳᠦ ᠲᠥᠪᠯᠡᠷᠡᠭᠦᠯᠵᠦ᠂ ᠬᠦᠴᠦ ᠬᠥᠯᠥᠰᠦ ᠪᠡᠨ ᠨᠢᠭᠡ ᠵᠦᠭ ᠲᠦ ᠵᠣᠷᠢᠭᠤᠯᠤᠨ᠂ ᠬᠦᠴᠢᠷ ᠢ ᠬᠠᠮᠲᠤ ᠪᠠᠷ ᠲᠤᠭᠤᠯᠵᠤ᠂ ᠵᠢᠷᠭᠠᠯ ᠢ ᠴᠣᠭ ᠲᠠᠭᠠᠨ ᠡᠳ᠋ᠯᠡᠪᠡᠯ ᠰᠠᠶ᠋ᠢ ᠡᠶᠡ ᠨᠠᠶᠢᠷᠠᠮᠳᠠᠭᠤ᠂ ᠪᠠᠶᠠᠨ ᠴᠢᠨᠡᠭᠡᠯᠢᠭ᠂ ᠠᠮᠢᠯᠠᠯ ᠡᠰᠡᠨᠢᠯ ᠲᠠᠢ᠂ ᠵᠣᠯ ᠵᠢᠷᠭᠠᠯ ᠲᠠᠢ᠂ ᠠᠯᠤᠰ ᠢᠷᠡᠭᠡᠳᠦᠢ ᠲᠠᠢ︽ ᠪᠥᠮᠪᠦᠷᠴᠡᠭ ᠦᠨ ᠲᠣᠰᠬᠤᠨ︾ᠪᠤᠢ ᠪᠣᠯᠵᠤ᠂ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠬᠤᠪᠢ ᠵᠠᠶᠠᠭᠠᠨ ᠤ ᠬᠠᠮᠲᠤ ᠢᠢᠨ ᠴᠣᠭᠴᠠ ᠪᠦᠷᠢᠯᠳᠦᠬᠦ ᠪᠣᠯᠤᠨᠠ᠃ ᠡᠰᠡᠷᠭᠦ ᠪᠡᠷ᠂ ᠵᠠᠷᠢᠮ ᠤᠯᠤᠰ ᠤᠷᠤᠨ ᠪᠤᠶᠤ ᠬᠦᠮᠦᠨ ᠳᠡᠯᠡᠬᠡᠢ ᠢᠢ ᠭᠠᠭᠴᠠᠭᠠᠷ ᠤᠳᠤᠷᠢᠳᠴᠤ᠂ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠢ ᠭᠠᠭᠴᠠᠭᠠᠷ ᠨᠣᠶᠠᠷᠬᠠᠨ᠂ ᠡᠬᠢ ᠪᠠᠶᠠᠯᠢᠭ ᠢ ᠭᠠᠭᠴᠠᠭᠠᠷ ᠡᠵᠡᠮᠰᠢᠵᠦ᠂ ᠠᠰᠢᠭ ᠬᠣᠨᠵᠢᠪᠤᠷᠢ ᠢᠢ ᠭᠠᠭᠴᠠᠭᠠᠷ ᠡᠷᠬᠡᠰᠢᠶᠡᠬᠦ ᠭᠡᠰᠡᠨ ᠵᠡᠷᠯᠢᠭ ᠰᠠᠨᠠᠭᠠ ᠡᠪᠦᠷᠯᠡᠵᠦ᠂ ᠭᠠᠵᠠᠷ ᠪᠣᠯᠭᠠᠨ ᠳᠤ ᠭᠠᠷ ᠲᠦᠷᠦᠵᠦ᠂ ᠳᠠᠶᠢᠨ ᠳᠠᠵᠢᠨ ᠡᠭᠦᠰᠭᠡᠨ᠂ ᠭᠠᠢ ᠭᠠᠮᠰᠢᠭ ᠲᠠᠷᠢᠵᠤ᠂ ᠬᠠᠷᠭᠢᠰ ᠳᠡᠭᠡᠷᠡᠩᠭᠦᠢ ᠠᠭᠠᠰᠢᠯᠠᠵᠤ ᠪᠠᠶᠢᠪᠠᠯ︽ᠡᠷᠭᠢᠭᠦᠦ ᠰᠢᠳᠠᠮ ᠡᠵᠡᠨ ᠳ᠋ᠡᠬᠡᠨ︾ᠲᠤᠰᠴᠤ᠂ ᠥᠪᠡᠷ ᠦᠨ ᠬᠥᠭ᠍ᠵᠢᠯᠲᠡ ᠳᠠᠪᠰᠢᠯᠲᠠ ᠪᠠᠨ ᠬᠠᠷᠰᠢᠯᠠᠨ︽ ᠰᠡᠭᠦᠯ ᠡᠴᠡ ᠪᠡᠨ ᠥᠭᠡᠷᠡ ᠨᠥᠬᠦᠷ ᠦᠭᠡᠢ᠂ ᠰᠡᠭᠦᠳᠡᠷ ᠡᠴᠡ ᠪᠡᠨ ᠥᠭᠡᠷᠡ ᠬᠠᠨᠢ ᠦᠭᠡᠢ︾ ᠭᠣᠣᠨᠢ ᠭᠠᠭᠴᠠᠭᠠᠷ ᠪᠣᠯᠵᠤ᠂ ᠳᠣᠷᠣᠶᠢᠲᠠᠯ ᠮᠥᠬᠦᠯ ᠦᠨ ᠵᠠᠮ ᠢᠶᠠᠨ ᠡᠯᠭᠦᠬᠦ ᠪᠣᠯᠤᠨᠠ᠃
ᠬᠡᠯᠡᠯᠭᠡᠨ ᠦᠭᠡᠢ ᠵᠥᠪᠬᠡᠨ ᠪᠥᠯᠬᠦᠮᠳᠡᠯ ᠪᠠᠶᠢᠭᠠᠳ ᠪᠣᠯᠬᠤ ᠦᠭᠡᠢ᠂ ᠪᠥᠯᠬᠦᠮᠳᠡᠯ ᠦᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠬᠠᠲᠠᠭᠤ ᠰᠢᠷᠭᠠᠭᠤ ᠴᠢᠷᠮᠠᠶᠢᠯᠭᠠ ᠢᠢᠨ ᠶᠠᠪᠤᠴᠠ ᠢᠢ ᠳᠠᠮᠵᠢᠮᠠᠨᠵᠢᠨ ᠰᠠᠶ᠋ᠢ ᠠᠮᠵᠢᠯᠲᠠ ᠳᠤ ᠬᠦᠷᠴᠦ ᠴᠢᠳᠠᠨᠠ᠃ ᠠᠮᠵᠢᠯᠲᠠ ᠳᠤ ᠬᠦᠷᠬᠦ ᠶᠠᠪᠤᠴᠠ ᠠᠰᠬᠠᠨ ᠰᠢᠯᠤᠭᠤᠨ ᠪᠠᠶᠢᠳᠠᠭ ᠦᠭᠡᠢ᠂ ᠡᠩᠬᠦᠯ ᠲᠣᠩᠬᠣᠯ᠂ ᠮᠣᠷᠣᠢ ᠰᠠᠷᠣᠢ᠂ ᠬᠠᠷᠰᠢ ᠰᠠᠭᠠᠳ ᠲᠠᠢ ᠪᠠᠶᠢᠳᠠᠭ᠃ ︽ ᠲᠡᠭ᠍ᠷᠢ ᠡᠴᠡ ᠱᠠᠯᠪᠢᠩ ᠤᠨᠠᠵᠤ ᠢᠷᠡᠳᠡᠭ ᠦᠭᠡᠢ︾᠂ ︽ ᠦᠨᠡ ᠲᠥᠯᠥᠪᠦᠷᠢ ᠦᠭᠡᠢ ᠬᠦᠷᠭᠡᠵᠦ ᠢᠷᠡᠬᠦ ᠥᠷᠯᠥᠭᠡ ᠢᠢᠨ ᠬᠣᠭᠣᠯᠠ ᠪᠠᠶᠢᠳᠠᠭ ᠦᠭᠡᠢ︾ ᠭᠡᠳᠡᠭ᠃ ᠥᠪᠡᠷ ᠦᠨ ᠴᠢᠷᠮᠠᠶᠢᠯᠭᠠ᠂ ᠥᠪᠡᠷ ᠦᠨ ᠵᠢᠳᠬᠦᠯ᠂ ᠥᠪᠡᠷ ᠦᠨ ᠠᠷᠭᠠ ᠤᠬᠠᠭᠠᠨ᠂ ᠥᠪᠡᠷ ᠦᠨ ᠬᠦᠴᠦ ᠬᠥᠯᠥᠰᠦ ᠪᠠᠷ ᠢᠶᠠᠨ ︽ ᠱᠠᠯᠪᠢᠩ︾ ᠪᠠ ︽ ᠬᠣᠭᠣᠯᠠ︾ ᠣᠯᠬᠤ ᠬᠡᠷᠡᠭ᠍ᠲᠡᠢ᠃ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠶᠡᠷᠦ ᠨᠢ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠳᠦ ᠬᠠᠨᠳᠤᠬᠤ ᠳ᠋ᠠᠭᠠᠨ ᠠᠳᠠᠯᠢ ᠪᠤᠰᠤ ᠢᠢᠨ ᠢᠯᠡᠷᠡᠯ ᠲᠠᠢ᠃ ᠨᠢᠭᠡ ᠪᠥᠯᠦᠭ ᠬᠦᠮᠦᠨ ᠬᠦᠴᠢᠷ ᠦᠨ ᠡᠮᠦᠨᠡ ᠲᠣᠯᠣᠭᠠᠢ ᠪᠦᠬᠦᠢᠵᠦ ᠡᠪᠦᠳᠦᠭ ᠨᠤᠭᠤᠷᠠᠨ᠂ ᠬᠤᠪᠢ ᠵᠠᠶᠠᠭᠠ ᠪᠠᠨ ᠮᠠᠭᠤ᠂ ᠠᠵᠠ ᠳᠣᠬᠢᠶᠠᠯ ᠪᠠᠷᠤᠭᠲᠠᠢ ᠭᠡᠵᠦ ᠪᠣᠳᠣᠨ᠂ ᠠᠮᠢᠳᠤᠷᠠᠯ ᠳᠤ ᠪᠠᠨ ᠢᠲᠡᠭᠡᠯ ᠠᠯᠳᠠᠵᠤ᠂ ᠠᠮᠢ ᠨᠠᠰᠤ ᠪᠠᠨ ᠦᠨᠡ ᠥᠷᠲᠡᠭ ᠦᠭᠡᠢ ᠪᠣᠯᠭᠠᠳᠠᠭ᠃
ᠪᠠᠰᠠ ᠨᠢᠭᠡ ᠪᠥᠯᠦᠭ ᠬᠦᠮᠦᠨ᠂ ᠬᠦᠴᠢᠷ ᠪᠣᠯ ᠠᠮᠢᠳᠤᠷᠠᠯ ᠤᠨ ᠨᠢᠭᠡ ᠬᠡᠰᠡᠭ᠂ ᠲᠦᠮᠡᠨ ᠬᠦᠮᠦᠨ ᠳᠦ ᠠᠳᠠᠯᠢᠬᠠᠨ ᠲᠤᠯᠭᠠᠷᠠᠳᠠᠭ ᠠᠰᠠᠭᠤᠳᠠᠯ᠃ ᠬᠦᠴᠢᠷ ᠢ ᠲᠤᠭᠤᠯᠵᠤ ᠭᠠᠷᠬᠤ ᠠᠴᠠ ᠪᠢᠰᠢ ᠲᠣᠭᠣᠷᠢᠵᠤ ᠭᠠᠷᠳᠠᠭ ᠦᠭᠡᠢ ᠭᠡᠵᠦ ᠵᠥᠪ ᠲᠠᠨᠢᠨ᠂ ᠬᠡᠳᠦᠢ ᠬᠦᠴᠢᠷ ᠪᠠᠶᠢᠪᠠᠯ ᠲᠡᠳᠦᠢ ᠵᠣᠷᠢᠭ ᠲᠠᠢ ᠪᠣᠯᠵᠤ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠠᠷᠭᠠ ᠪᠠᠷᠢᠯ ᠢᠶᠠᠷ ᠬᠠᠯᠠᠰᠢᠷᠠᠯ ᠦᠭᠡᠢ ᠴᠢᠷᠮᠠᠶᠢᠵᠤ᠂ ᠴᠦᠬᠦᠷᠡᠯ ᠦᠭᠡᠢ ᠵᠢᠳᠬᠦᠨ᠂ ︽ ᠪᠢ ᠯᠠᠪ ᠪᠣᠯᠤᠨᠠ︾ ᠭᠡᠰᠡᠨ ᠪᠠᠲᠤ ᠢᠲᠡᠭᠡᠯ ᠲᠠᠢ᠂ ᠴᠢᠩᠭᠠ ᠪᠠᠷᠢᠮᠲᠠᠯᠠᠯ ᠲᠠᠢ ᠪᠠᠷ ᠮᠠᠬᠠᠷᠠᠨ ᠲᠡᠮᠡᠤᠯᠵᠤ᠂ ᠡᠴᠤᠰ ᠲᠡᠭᠡᠨ ᠬᠦᠴᠢᠷ ᠢ ᠳᠠᠪᠠᠵᠤ ᠰᠠᠭᠠᠳ ᠢ ᠲᠤᠭᠤᠯᠤᠨ᠂ ᠠᠮᠵᠢᠯᠲᠠ ᠢᠢᠨ ᠥᠨᠳᠥᠷ ᠣᠷᠭᠢᠯ ᠳᠤ ᠭᠠᠷᠴᠤ᠂ ᠵᠣᠯ ᠵᠢᠷᠭᠠᠯ ᠤᠨ ᠠᠮᠲᠠᠲᠤ ᠵᠢᠮᠢᠰ ᠢ ᠣᠯᠵᠤ ᠬᠦᠷᠲᠡᠳᠡᠭ᠃ ᠢᠨᠵᠠᠨᠠᠰᠢ ᠪᠣᠯ ᠶᠠᠭ ᠡᠶᠢᠮᠦ ᠬᠦᠮᠦᠨ ᠶᠤᠮ᠃ ᠲᠡᠷᠡ︽ᠬᠥᠬᠡ ᠰᠣᠳᠣᠷ︾ ᠢᠶᠡᠨ ᠪᠢᠴᠢᠬᠦ ᠶᠠᠪᠤᠴᠠ ᠳᠤ ᠮᠠᠰᠢ ᠣᠯᠠᠨ ᠬᠦᠴᠢᠷᠳᠡᠯ ᠳᠦ ᠲᠤᠯᠭᠠᠷᠠᠭᠰᠠᠨ ᠴᠤ︽ᠮᠤᠩᠬᠠᠭ ᠣᠶᠣᠨ ᠤ ᠬᠢᠷᠢ ᠪᠡᠷ ᠰᠡᠳᠭᠢᠯ ᠦᠨ ᠴᠢᠰᠤᠨ ᠢ ᠪᠥᠭᠡᠯᠵᠢᠵᠦ᠂ ᠪᠠᠯᠠᠷ ᠨᠢᠳᠦᠨ ᠦ ᠬᠢᠷᠢ ᠪᠡᠷ ᠣᠯᠠᠨ ᠰᠣᠳᠣᠷ ᠤᠳ ᠢ ᠰᠢᠨᠵᠢᠵᠦ︾᠂︽ ᠭᠦᠢᠬᠡᠨ ᠮᠡᠳᠡᠯ︾ ᠂︽ᠥᠴᠦᠬᠡᠨ ᠴᠢᠳᠠᠯ ᠤᠨ ᠬᠢᠷᠢ ᠪᠡᠷ︾ᠬᠢᠴᠢᠶᠡᠨ ᠨᠢᠭᠲᠠᠯᠠᠵᠤ᠂ ︽ᠦᠰᠦ ᠴᠠᠶᠢᠵᠤ᠂ ᠴᠢᠷᠠᠢ ᠠᠲᠤᠷᠢᠨ᠂ ᠮᠢᠬᠠ ᠲᠤᠷᠠᠵᠤ᠂ ᠰᠢᠷᠪᠤᠰᠤ ᠰᠤᠩᠬᠤᠢ ᠳ᠋ᠤ ᠬᠦᠷᠦᠭ᠍ᠰᠡᠨ︾ ᠪᠠᠶᠢᠳᠠᠭ᠃ ᠬᠦᠮᠦᠨ ᠪᠣᠯᠭᠠᠨ ᠡᠶᠢᠮᠦ ᠵᠣᠷᠢᠭ ᠢᠶᠠᠷ ᠴᠢᠷᠮᠠᠶᠢᠳᠠᠭ ᠯᠠ ᠶᠤᠮ ᠪᠣᠯ ᠮᠠᠰᠢ ᠣᠯᠠᠨ ︽ᠬᠥᠬᠡ ᠰᠣᠳᠣᠷ︾ ᠮᠡᠨᠳᠦᠯᠡᠬᠦ ᠨᠢ ᠯᠠᠪᠲᠠᠢ᠃ ᠠᠮᠵᠢᠯᠲᠠ ᠪᠣᠯ ᠪᠥᠯᠬᠦᠮᠳᠡᠨ ᠨᠢᠭᠲᠠᠷᠠᠭᠰᠠᠨ ᠤ ᠡᠴᠤᠰ ᠲᠤ ᠣᠯᠵᠤ ᠠᠪᠤᠭᠰᠠᠨ ᠥᠩᠭᠡᠲᠦ ᠴᠡᠴᠡᠭ ᠮᠦᠨ᠂ ᠠᠮᠵᠢᠯᠲᠠ ᠪᠣᠯ ᠪᠥᠯᠬᠦᠮᠳᠡᠨ ᠴᠢᠷᠮᠠᠶᠢᠭᠰᠠᠨ ᠤ ᠡᠴᠤᠰ ᠲᠤ ᠣᠯᠵᠤ ᠬᠦᠷᠲᠡᠭ᠍ᠰᠡᠨ ᠱᠠᠩᠨᠠᠯ ᠮᠦᠨ᠃ ᠠᠮᠵᠢᠯᠲᠠ ᠪᠣᠯ ᠪᠥᠯᠬᠦᠮᠳᠡᠨ ᠴᠢᠷᠮᠠᠶᠢᠭᠰᠠᠨ ᠤ ᠰᠠᠶᠢᠨ ᠢᠶᠠᠷ ᠨᠡᠶᠢᠭᠡᠮ ᠨᠡᠶᠢᠲᠡ ᠳᠦ ᠦᠵᠡᠭᠦᠯᠦᠭ᠍ᠰᠡᠨ ᠬᠤᠪᠢ ᠨᠡᠮᠡᠷᠢ ᠮᠦᠨ᠂ ᠠᠮᠵᠢᠯᠲᠠ ᠪᠣᠯ ᠪᠥᠯᠬᠦᠮᠳᠡᠨ ᠴᠢᠷᠮᠠᠶᠢᠭᠰᠠᠨ ᠤ ᠰᠠᠶᠢᠨ ᠢᠶᠠᠷ ᠬᠤᠪᠢ ᠪᠡᠶᠡ ᠳ᠋ᠡᠬᠡᠨ ᠣᠯᠭᠣᠭᠰᠠᠨ ᠨᠡᠷᠡ ᠲᠥᠷᠥ ᠮᠦᠨ᠃
ᠢᠯᠠᠭᠳᠠᠯ ᠳᠤ ᠤᠴᠠᠷᠠᠭᠰᠠᠨ ᠬᠦᠮᠦᠨ ᠤᠢᠳᠬᠠᠷ ᠪᠣᠬᠢᠨᠢᠳᠦᠯ ᠲᠠᠢ᠂ ᠭᠤᠨᠢᠭ ᠵᠣᠪᠠᠭᠤᠷᠢᠲᠠᠢ ᠪᠠᠶᠢᠳᠠᠭ ᠪᠣᠯ ᠢᠯᠠᠯᠲᠠ ᠣᠯᠣᠭᠰᠠᠨ ᠬᠦᠮᠦᠨ ᠪᠠᠶᠠᠷ ᠪᠠᠶᠠᠰᠤᠯ ᠲᠠᠢ᠂ ᠵᠣᠯ ᠵᠢᠷᠭᠠᠯ ᠲᠠᠢ ᠪᠠᠶᠢᠳᠠᠭ᠃︽ᠬᠦᠴᠢᠷ ᠢ ᠲᠤᠭᠤᠯᠬᠤ ᠦᠭᠡᠢ ᠪᠣᠯ ᠨᠣᠮ ᠰᠤᠷᠬᠤ ᠦᠭᠡᠢ᠂ ᠬᠥᠯᠥᠰᠦ ᠤᠷᠤᠰᠬᠠᠬᠤ ᠦᠭᠡᠢ ᠪᠣᠯ ᠠᠮᠵᠢᠯᠲᠠ ᠣᠯᠬᠤ ᠦᠭᠡᠢ︾ ᠭᠡᠰᠡᠨ ᠰᠤᠷᠭᠠᠯ ᠢ ᠤᠬᠠᠭᠠᠷᠠᠳᠠᠭ ᠬᠦᠮᠦᠨ ᠠᠮᠵᠢᠯᠲᠠ ᠳᠤ ᠬᠦᠷᠳᠡᠭ᠂ ︽ ᠪᠥᠯᠬᠦᠮᠳᠡᠨ ᠨᠢᠭᠡᠳᠪᠡᠯ ᠮᠠᠨᠳᠤᠬᠤ ᠢᠢᠨ ᠳᠡᠮᠳᠡᠭ᠂ ᠪᠥᠯᠥᠭ᠍ᠯᠡᠨ ᠵᠠᠳᠠᠷᠠᠪᠠᠯ ᠮᠥᠬᠦᠬᠦ ᠢᠢᠨ ᠳᠡᠮᠳᠡᠭ︾ ᠭᠡᠰᠡᠨ ᠶᠣᠰᠣ ᠢᠢ ᠮᠡᠳᠡᠷᠡᠳᠡᠭ ᠬᠦᠮᠦᠨ ᠠᠮᠵᠢᠯᠲᠠ ᠳᠤ ᠬᠦᠷᠳᠡᠭ᠃ ᠠᠮᠵᠢᠯᠲᠠ ᠣᠯᠣᠭᠰᠠᠨ ᠬᠦᠮᠦᠨ ᠪᠣᠯ ᠭᠡᠷ ᠪᠦᠯᠢ ᠳ᠋ᠡᠬᠡᠨ ᠲᠤᠰᠠᠲᠠᠢ ᠬᠦᠮᠦᠨ᠂ ᠤᠭᠰᠠᠭᠠ ᠦᠨᠳᠦᠰᠦᠲᠡᠨ ᠳ᠋ᠡᠬᠡᠨ ᠠᠰᠢᠭᠲᠠᠢ ᠬᠦᠮᠦᠨ᠂ ᠤᠯᠤᠰ ᠭᠦᠷᠦᠨ ᠳ᠋ᠡᠬᠡᠨ ᠭᠠᠪᠢᠶᠠ ᠲᠠᠢ ᠬᠦᠮᠦᠨ᠃ ᠡᠶᠢᠮᠦ ᠬᠦᠮᠦᠨ ᠦ ᠠᠮᠢᠳᠤᠷᠠᠯ ᠤᠳᠭᠠ ᠠᠭᠤᠯᠭᠠ ᠲᠠᠢ᠂ ᠡᠶᠢᠮᠦ ᠬᠦᠮᠦᠨ ᠦ ᠠᠮᠢ ᠨᠠᠰᠤ ᠰᠠᠶ᠋ᠢ ᠦᠨᠡ ᠥᠷᠲᠡᠭ ᠲᠠᠢ ᠰᠢᠦ︕