︽ᠬᠤᠤᠳᠤᠤ ᠳᠠᠩᠰᠠ︾ ᠢᠢ ᠪᠠᠶᠢᠴᠠᠭᠠᠨ ᠳᠣᠲᠣᠯᠠᠬᠤ ᠬᠡᠷᠡᠭ᠍ᠲᠡᠶ
᠄ 2025-06-08 10:27:23
︽ᠵᠣᠭᠣᠰ ᠤᠨ ᠲᠣᠭᠠ ᠨᠢ ᠲᠤᠩ ᠪᠠᠭᠠ ᠪᠣᠯᠬᠣᠷ ᠬᠡᠨ ᠴᠦ ᠠᠩᠬᠠᠷᠤᠯ ᠳᠠᠭᠠᠨ ᠠᠪᠬᠤ ᠦᠭᠡᠢ ᠭᠡᠵᠦ ᠪᠤᠳᠤᠵᠠᠢ᠃ ᠤᠳᠤ ᠰᠠᠶ᠋ᠢ ᠴᠠᠭᠠᠰᠤ ᠭᠠᠯ ᠢ ᠪᠣᠭᠣᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠳᠡᠭ ᠢ ᠮᠡᠳᠡᠯᠡ᠂ ᠪᠢ ᠦᠨᠡᠬᠡᠷ ᠬᠤᠤᠳᠤᠤ ᠳᠠᠩᠰᠠ ᠪᠠᠨ ᠪᠤᠳᠤᠴᠢᠬᠠᠵᠠᠢ︾ᠭᠡᠵᠦ ᠬᠠᠷᠠᠮᠥ᠋ᠷᠡᠨ ᠮᠤᠵᠢ ᠢᠢᠨ ᠪᠠᠶ ᠴᠢᠦᠸᠠᠨ ᠰᠢᠶᠠᠨ ᠤ ᠱᠠᠩ ᠱᠧᠩ ᠰᠢᠶᠠᠩ ᠤᠨ ᠨᠢᠭᠡᠨ ᠭᠠᠴᠠᠭᠠᠨ ᠤ ᠳᠠᠩᠰᠠ ᠮᠡᠳᠡᠭᠦᠯᠦᠭ᠍ᠴᠢ ᠯᠢ ᠣᠪᠣᠭᠲᠥ ᠦᠪᠡᠷ ᠦᠨ ᠲᠣᠭᠲᠠᠭᠠᠯ ᠢ ᠵᠥᠷᠢᠴᠡᠨ︽ᠵᠠᠯᠢ ᠮᠡᠬᠡ︾ ᠬᠡᠷᠡᠭᠯᠡᠨ ᠳᠠᠩᠰᠠᠨ ᠠᠴᠠ ᠬᠢᠨᠠᠵᠤ ᠭᠠᠷᠭᠠᠭᠰᠠᠨ ᠶᠠᠪᠤᠳᠠᠯ ᠵᠢᠡᠨ ᠶᠠᠷᠢᠬᠤ ᠳᠤ ᠲᠤᠩ ᠭᠡᠮᠰᠢᠵᠦ ᠪᠠᠶᠢᠪᠠ᠃
ᠡᠨᠡ ᠵᠢᠯ ᠦᠨ 4 ᠰᠠᠷᠠ ᠳᠤ ᠪᠠᠢ ᠴᠢᠦᠸᠠᠨ ᠰᠢᠶᠠᠨ ᠤ ᠰᠠᠬᠢᠯᠭᠠ ᠪᠠᠲᠤ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠬᠢᠨᠠᠨ ᠪᠠᠶᠢᠴᠠᠭᠠᠬᠤ ᠵᠥᠪᠯᠡᠯ ᠢᠯᠡ ᠪᠡᠷ ᠪᠠᠶᠢᠴᠠᠭᠠᠵᠤ ᠳᠠᠯᠳᠠᠭᠤᠷ ᠰᠤᠷᠪᠤᠯᠵᠢᠯᠠᠬᠤ ᠠᠵᠢᠯ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠥᠷᠨᠢᠭᠦᠯᠵᠡᠢ᠃ ᠰᠠᠬᠢᠯᠭᠠ ᠪᠠᠲᠤ ᠪᠠᠶᠢᠴᠠᠭᠠᠬᠤ ᠬᠢᠨᠠᠨ ᠪᠠᠶᠢᠴᠠᠭᠠᠬᠤ ᠺᠠᠳ᠋ᠷᠴᠤᠳ ᠲᠣᠰ ᠭᠠᠴᠠᠭᠠᠨ ᠤ ᠱᠠᠲᠤᠨ ᠤ ᠲᠠᠩᠰᠠ ᠬᠠᠷᠠ ᠪᠠ ᠭᠠᠴᠠᠭᠠᠨ ᠤ ᠬᠠᠮᠲᠤ ᠢᠢᠨ ᠠᠵᠤ ᠠᠬᠤᠶ ᠢᠢᠨ ᠲᠠᠩᠰᠠ ᠢᠢ ᠪᠠᠶᠢᠴᠠᠭᠠᠬᠤ ᠳᠤ᠂ ᠨᠢᠭᠡ ᠬᠠᠭᠤᠳᠠᠰᠤ 2020 ᠣᠨ ᠳᠤ ᠬᠢᠨᠠᠵᠤ ᠭᠠᠷᠭᠠᠭᠰᠠᠨ ᠪᠠᠷᠢᠮᠲᠠ ᠨᠢ ᠬᠡᠪ ᠦᠨ ᠪᠤᠰᠤ ᠪᠠᠶᠢᠳᠠᠯ ᠲᠠᠶ ᠪᠠᠶᠢᠬᠤ ᠢᠢ ᠣᠯᠵᠤ ᠮᠡᠳᠡᠪᠡ᠃ ᠱᠠᠩ ᠱᠧᠩ ᠰᠢᠶᠠᠩ ᠤᠨ ᠰᠠᠬᠢᠯᠭᠠ ᠪᠠᠲᠤ ᠪᠠᠶᠢᠴᠠᠭᠠᠬᠤ ᠬᠣᠷᠢᠶᠠ ᠲᠡᠷᠡ ᠳᠠᠷᠤᠶ ᠳᠤᠨᠢ ᠯᠢ ᠣᠪᠣᠭᠲᠤ ᠢᠢ ᠡᠷᠢᠵᠦ ᠤᠴᠢᠪᠠ᠃
︽ᠳᠠᠩᠰᠠᠨ ᠠᠴᠠ ᠬᠢᠨᠠᠵᠤ ᠭᠠᠷᠭᠠᠭᠰᠠᠨ ᠪᠠᠷᠢᠮᠲᠠ ᠵᠢ ᠦᠵᠡᠪᠡᠯ᠂ ᠭᠠᠴᠠᠭᠠᠨ ᠠᠴᠠ 3 ᠤᠳᠠᠭᠠ ᠭᠤᠯᠳᠤᠩ ᠬᠣᠭᠣᠯᠠᠶ ᠲᠠᠲᠠᠵᠤ᠂ ᠠᠵᠢᠯᠴᠢᠨ ᠬᠡᠷᠡᠭ᠍ᠯᠡᠬᠦ ᠵᠠᠷᠤᠳᠠᠯ 350 ᠲᠥᠭᠥᠷᠢᠭ ᠪᠠᠶᠢᠪᠠ᠃ ᠡᠭᠦᠨ ᠡᠴᠡ ᠡᠮᠦᠨᠡ ᠭᠠᠴᠠᠭᠠᠨ ᠠᠴᠠ ᠨᠢᠭᠡ ᠤᠳᠠᠭᠠ ᠭᠤᠯᠳᠤᠩ ᠬᠣᠭᠣᠯᠠᠶ ᠲᠠᠲᠠᠬᠤ ᠳᠤ ᠠᠵᠢᠯᠴᠢᠨ ᠬᠡᠷᠡᠭ᠍ᠯᠡᠬᠦ ᠵᠠᠷᠤᠳᠠᠯ ᠨᠢ ᠴᠥᠮ 100 ᠲᠥᠭᠥᠷᠢᠭ ᠪᠠᠶᠢᠭᠰᠠᠨ ᠪᠠᠶᠢᠲᠠᠯᠠ ᠶᠠᠭᠠᠬᠢᠭᠠᠳ ᠡᠨᠡ ᠤᠳᠠᠭᠠ ᠦᠨᠡ ᠨᠢ ᠥᠰᠦᠭᠰᠡᠨ ᠪᠤᠢ︾ᠭᠡᠵᠦ ᠱᠠᠩ ᠱᠧᠩ ᠰᠢᠶᠠᠩ ᠤᠨ ᠰᠠᠬᠢᠯᠭᠠ ᠪᠠᠲᠤ ᠪᠠᠶᠢᠴᠠᠭᠠᠬᠤ ᠬᠣᠷᠢᠶᠠᠨ ᠤ ᠱᠦᠵᠢ ᠳ᠋ᠦᠩ ᠲᠢᠶᠠᠨ ᠬᠤᠤ ᠰᠢᠭᠤᠳ ᠠᠰᠠᠭᠤᠯᠠ᠃ ᠨᠢᠭᠡ ᠵᠡᠷᠭᠡ ᠤᠬᠤᠴᠢᠯᠠᠨ ᠠᠰᠠᠭᠤᠭᠰᠠᠨ ᠤ ᠳᠠᠷᠠᠭᠠ᠂ ᠯᠢ ᠣᠪᠣᠭᠲᠤ ᠡᠴᠦᠰ ᠲᠡᠬᠡᠨ ᠦᠨᠡᠨ ᠪᠠᠶᠢᠳᠠᠯ ᠢᠶᠠᠨ ᠬᠡᠯᠡᠵᠦ ᠭᠠᠷᠭᠠᠪᠠ᠄︽ᠪᠢ ᠪᠤᠷᠤᠭᠤᠳᠠᠵᠠᠶ᠂ ᠲᠡᠷᠡ ᠦᠶᠡ ᠳᠤ ᠪᠢ ᠬᠤᠤᠳᠤᠤᠷᠠᠭᠠᠳ ᠮᠠᠭᠤ ᠤᠬᠠᠭᠠᠨ ᠭᠠᠷᠭᠠᠵᠠᠢ᠃ ᠥᠩᠭᠡᠷᠡᠭ᠍ᠰᠡᠨ ᠳᠦ ᠬᠥᠳᠡᠭᠡ ᠳᠦ ᠬᠤᠷᠠᠯ ᠬᠢᠬᠦ ᠳᠤ ᠢᠳᠡᠭᠰᠡᠨ ᠦᠳᠡ ᠵᠢᠨ ᠬᠤᠭᠤᠯᠠᠨ ᠤ 50 ᠲᠥᠭᠥᠷᠢᠭ ᠢ ᠨᠡᠮᠡᠵᠦ ᠳᠠᠩᠰᠠᠨ ᠠᠴᠠ ᠬᠢᠨᠠᠨ ᠭᠠᠷᠭᠠᠵᠠᠢ᠃ ᠵᠣᠭᠣᠰ ᠤᠨ ᠲᠤᠭᠠ ᠶᠡᠬᠡ ᠪᠢᠰᠢ ᠶᠤᠮ ᠴᠢᠨᠢ ᠶᠡᠬᠡ ᠤᠴᠢᠷ ᠪᠤᠯᠬᠤ ᠦᠭᠡᠢ᠂ ᠬᠡᠨ ᠳᠤ ᠴᠤ ᠰᠡᠷᠡᠭ᠍ᠳᠡᠬᠦ ᠦᠭᠡᠶ ᠭᠡᠵᠦ ᠪᠤᠳᠤᠵᠤ ᠪᠠᠶᠢᠵᠠᠶ ᠁ ︾ ᠭᠡᠵᠦ ᠬᠡᠯᠡᠪᠡ᠃ ︽ᠴᠢ ᠭᠠᠴᠠᠭᠠᠨ ᠤ ᠺᠠᠳ᠋ᠷ ᠪᠣᠯᠤᠭᠰᠠᠨ ᠤ ᠬᠤᠪᠢ ᠳᠤ᠂ ᠭᠠᠴᠠᠭᠠᠨ ᠤ ᠬᠠᠮᠲᠤ ᠢᠢᠨ ᠪᠡᠯᠡ ᠮᠥᠩᠭᠥ ᠢᠢ ᠬᠡᠷᠡᠭ᠍ᠯᠡᠨ ᠬᠤᠪᠢ ᠬᠥᠮᠦᠨ ᠦ ᠡᠭᠦᠷᠭᠡᠯᠡᠬᠦ ᠶᠣᠰᠣᠲᠠᠶ ᠬᠣᠭᠣᠯᠠᠨ ᠤ ᠵᠠᠷᠤᠳᠠᠯ ᠢ ᠳᠥᠯᠥᠭ᠍ᠰᠡᠨ ᠨᠢ ᠲᠣᠭᠲᠠᠭᠠᠯ ᠠᠴᠠ ᠵᠥᠷᠢᠴᠡᠨ ᠢᠳᠡᠵᠦ ᠤᠤᠭᠤᠭᠰᠠᠨ ᠠᠵᠢᠯᠯᠠᠭᠠ ᠳᠤ ᠲᠣᠭᠠᠴᠠᠭᠳᠠᠨᠠ︾ ᠭᠡᠰᠡᠨ ᠳ᠋ᠦᠩ ᠲᠢᠶᠠᠨ ᠬᠤᠤ ᠢᠢᠨ ᠦᠭᠡ ᠢᠢ ᠰᠣᠨᠣᠰᠤᠭᠠᠳ ᠯᠢ ᠣᠪᠣᠭᠲᠤ ᠢᠴᠡᠩᠭᠦᠷᠡᠨ ᠲᠣᠯᠣᠭᠠᠶ ᠪᠥᠬᠥᠢᠪᠡ᠃
ᠬᠠᠮᠤᠭ ᠤᠨ ᠡᠴᠦᠰ ᠲᠦ ᠱᠠᠩ ᠱᠧᠩ ᠰᠢᠶᠠᠩ ᠤᠨ ᠰᠠᠬᠢᠯᠭᠠ ᠪᠠᠲᠤ ᠪᠠᠶᠢᠴᠠᠭᠠᠬᠤ ᠬᠣᠷᠢᠶᠠ ᠯᠢ ᠣᠪᠣᠭᠲᠤ ᠲᠠᠶ ᠶᠠᠷᠢᠯᠴᠠᠨ ᠰᠠᠨᠠᠭᠤᠯᠬᠤ ᠢᠢᠨ ᠬᠠᠮᠲᠤ ᠲᠣᠭᠲᠠᠭᠠᠯ ᠠᠴᠠ ᠵᠥᠷᠢᠴᠡᠨ ᠬᠢᠨᠠᠨ ᠭᠠᠷᠭᠠᠭᠰᠠᠨ 50 ᠲᠥᠭᠥᠷᠢᠭ ᠦᠨ ᠵᠣᠭᠣᠰ ᠢ ᠨᠡᠬᠡᠮᠵᠢᠯᠡᠨ ᠠᠪᠴᠢᠷᠠᠵᠠᠶ᠃ ︽ᠡᠨᠡ ᠤᠳᠠᠭᠠ ᠢᠢᠨ ᠰᠤᠷᠭᠠᠮᠵᠢ ᠪᠠᠷ ᠲᠠᠮᠵᠢᠨ᠂ ᠪᠢ ᠨᠠᠮ ᠤᠨ ᠰᠠᠬᠢᠯᠭᠠ ᠪᠠᠲᠤ ᠨᠠᠮ ᠤᠨ ᠲᠣᠭᠲᠠᠭᠠᠯ ᠤᠨ ᠮᠡᠳᠡᠯᠭᠡ ᠢᠢᠨ ᠰᠤᠷᠤᠯᠴᠠᠯᠭᠠ ᠪᠠᠨ ᠴᠢᠩᠭᠠᠳᠬᠠᠵᠤ᠂ ᠡᠳ᠋ ᠦᠨ ᠶᠠᠪᠤᠳᠠᠯ ᠤᠨ ᠬᠠᠮᠢᠶᠠᠷᠤᠯᠲᠠ ᠢᠢᠨ ᠲᠦᠷᠢᠮ ᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠭᠦᠢᠴᠡᠳᠭᠡᠵᠦ᠂ ᠳᠠᠩᠰᠠ ᠮᠡᠳᠡᠭᠦᠯᠬᠦ ᠭᠠᠷ ᠭᠦᠢᠴᠡᠳᠭᠡᠯ ᠢ ᠴᠢᠩᠭᠠ ᠬᠡᠷᠡᠭ᠍ᠵᠢᠭᠦᠯᠦᠨᠡ᠁︾ ᠭᠡᠵᠦ ᠯᠢ ᠣᠪᠣᠭᠲᠤ ᠲᠤᠰ ᠭᠠᠴᠠᠭᠠᠨ ᠤ ᠬᠤᠷᠠᠯᠳᠤᠭᠤᠯᠤᠭᠰᠠᠨ ᠰᠡᠷᠡᠮᠵᠢᠯᠡᠭᠦᠯᠬᠦ ᠬᠥᠮᠦᠵᠢᠯ ᠦᠨ ᠬᠤᠷᠠᠯ ᠳᠡᠭᠡᠷᠡ ᠦᠪᠡᠷ ᠤᠨ ᠪᠡᠶᠡ ᠪᠡᠨ ᠬᠢᠨᠠᠨ ᠰᠢᠭᠦᠮᠵᠢᠯᠡᠵᠡᠢ᠃
︽ᠵᠠᠷᠢᠮ ᠨᠠᠮ ᠤᠨ ᠭᠡᠰᠢᠭᠦᠨ ᠺᠠᠳ᠋ᠷ ᠤᠨ ᠦᠵᠡᠬᠦ ᠪᠡᠷ᠂ ᠥᠪᠡᠷ ᠢᠶᠡᠨ ᠪᠠᠭᠠ ᠰᠠᠭᠠ ︽ᠵᠢᠵᠢᠭ ᠵᠢᠭᠠᠰᠤ ᠰᠠᠮ︾ ᠢᠳᠡᠪᠡᠯ ᠶᠡᠬᠡ ᠤᠴᠢᠷ ᠭᠠᠷᠬᠤ ᠥᠬᠡᠶ ᠶᠤᠮ ᠭᠡᠵᠦ ᠪᠤᠳᠤᠳᠠᠭ᠃ ᠭᠡᠪᠡᠴᠦ ︽ᠵᠢᠵᠢᠭ ᠵᠢᠭᠠᠰᠤ ᠰᠠᠮ︾ ᠢ ᠤᠳᠠᠭᠠᠨ ᠢᠳᠡᠭᠡᠳ ᠪᠠᠶᠢᠪᠠᠯ ᠠᠶᠠᠨᠳᠠᠭᠠᠨ︽ᠲᠤᠮᠤ ᠵᠢᠭᠠᠰᠤ︾ ᠢᠳᠡᠬᠦ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠲᠠᠢ ᠪᠤᠯᠵᠤ᠂ ᠡᠶᠢᠮᠦᠷᠬᠦᠦ ᠪᠤᠳᠤᠯ ᠨᠢ ᠤᠯᠠᠮ ᠠᠴᠠ ᠤᠯᠠᠮ ᠶᠡᠬᠡ ᠪᠤᠯᠳᠠᠭ ᠢ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠨᠠ᠃ ᠨᠠᠮ ᠤᠨ ᠭᠡᠰᠢᠭᠦᠨ ᠺᠠᠳ᠋ᠷᠴᠤᠳ ᠲᠥᠪ ᠤᠨ ᠨᠠᠢᠮᠠᠨ ᠲᠣᠭᠲᠠᠭᠠᠯ ᠤᠨ ᠵᠣᠷᠢᠭ ᠰᠠᠨᠠᠭᠠ ᠢᠢ ᠰᠢᠨᠲᠠᠷᠠᠰᠢ ᠦᠭᠡᠢ ᠲᠤᠭᠤᠰᠢᠯᠠᠭᠤᠯᠤᠨ ᠨᠠᠶᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠠᠪᠬᠤ ᠶᠣᠰᠣ ᠦᠭᠡᠢ ᠵᠦᠢᠯ ᠢ ᠶᠠᠭᠠᠬᠢᠭᠰᠠᠨ ᠴᠤ ᠠᠪᠴᠤ ᠪᠣᠯᠬᠤ ᠦᠭᠡᠢ᠂ ᠴᠠᠭ ᠢᠮᠠᠭᠲᠠ ᠰᠠᠬᠢᠯᠭᠠ ᠪᠠᠲᠤ ᠢᠢᠨ ᠪᠠᠷᠢᠮᠵᠢᠶᠠ ᠪᠠᠷ ᠥᠪᠡᠷ ᠦᠨ ᠦᠭᠡ ᠶᠠᠷᠢᠶᠠ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠰᠢᠯᠭᠠᠨ ᠪᠠᠶᠢᠴᠠᠭᠠᠬᠤ ᠬᠡᠷᠡᠭ᠍ᠲᠡᠢ ᠭᠡᠵᠦ ᠰᠠᠬᠢᠯᠭᠠ ᠪᠠᠲᠤ ᠵᠢ ᠬᠡᠷᠡᠭ᠍ᠵᠢᠭᠦᠯᠦᠭ᠍ᠴᠢ ᠬᠡᠯᠡᠪᠡ᠃
︵ᠼᠦᠢ ᠮᠢᠩ ᠲᠡᠶ ᠯᠢᠦ ᠷᠦᠢ ᠰᠢᠦᠸᠠᠢ︶
