ᠡᠵᠢ ᠢᠢᠨ ᠮᠢᠨᠢ ᠮᠦᠷ
᠄ 2025-03-06 17:15:24
ᠡᠨᠡᠷᠢᠯ ᠤᠨ ᠳᠡᠭ᠍ᠷᠢ ᠰᠢᠭ ᠡᠵᠢ ᠬᠦᠮᠥᠨ
ᠡᠨᠡᠭᠡᠨ ᠬᠤᠷᠸᠠ ᠳᠤ ᠳᠤᠭᠢᠶᠠᠬᠤ ᠭᠠᠭᠴᠠ ᠪᠤᠷᠬᠠᠨ
ᠡᠷᠳᠡᠨᠢᠳᠤ ᠴᠤᠭᠴᠠᠰ ᠤᠨ ᠮᠢᠨᠢ ᠠᠮᠢ ᠰᠤᠶᠤᠷᠬᠠᠭᠴᠢ
ᠡᠰᠡᠨᠢᠯ ᠬᠦᠭ᠍ᠵᠢᠯ ᠤᠨ ᠮᠢᠨᠢ ᠵᠠᠮ ᠵᠢᠭᠠᠭᠴᠢ
ᠡᠬᠦᠷᠢᠳᠡ ᠳᠤᠷᠠᠰᠬᠤ ᠢᠢᠨ ᠮᠦᠩᠭᠡ ᠵᠤᠯᠠ
ᠳᠤᠩᠭᠤᠷᠴᠤᠭᠯᠠᠨ ᠤᠨᠠᠭᠠᠳ ᠮᠦᠯᠬᠦᠵᠥ ᠪᠠᠶᠢᠬᠤ ᠳᠤ
ᠳᠤᠬᠤᠢ ᠠᠴᠠ ᠮᠢᠨᠢ ᠡᠷᠬᠦᠭᠡᠳ ᠳᠤᠳᠤᠮᠳᠠᠵᠤ ᠯᠠ ᠪᠠᠶᠢᠭᠰᠠᠨ
ᠳᠤᠮᠤᠭᠠ ᠦᠭᠡᠢ ᠵᠦᠷᠢᠬᠦᠳᠯᠡᠨ ᠠᠭᠠᠰᠢᠯᠠᠬᠤ ᠳᠤ
ᠳᠠᠭᠤᠨ ᠦᠭᠡᠢ ᠳᠠᠪᠠᠷᠢᠭᠡᠳ ᠡ᠊ᠩᠬᠦᠷᠡᠶᠢᠯᠡᠵᠥ ᠯᠠ ᠪᠠᠶᠢᠭᠰᠠᠨ
ᠳᠦᠭᠡᠮᠡᠯ ᠬᠠᠶᠢᠷᠠ ᠢᠢᠨ ᠠᠭᠤᠤ ᠪᠦᠷᠢᠯᠸᠠ
ᠳᠤᠭᠤᠯ ᠢᠶᠠᠨ ᠬᠠᠷᠢᠭᠤᠯᠤᠭᠠᠳ ᠳᠤᠭᠯᠠᠵᠤ ᠶᠠᠪᠤᠬᠤ ᠳᠤ
ᠳᠤᠭᠤᠨᠤᠯᠵᠢᠨ ᠬᠠᠷᠠᠭᠳᠠᠳᠠᠭ ᠡᠵᠢ ᠢᠢᠨ ᠮᠢᠨᠢ ᠮᠦᠷ ᠡ
ᠳᠤᠭᠤᠰᠤᠳᠤ ᠶ᠋ᠢᠷᠳᠢᠨᠴᠤ ᠳᠤ ᠳᠤᠮᠤᠭᠠᠵᠢᠨ ᠠᠯᠬᠤᠬᠤ ᠳᠤ
ᠳᠤᠳᠤᠷᠠᠨ ᠰᠠᠨᠠᠭᠳᠠᠳᠠᠭ ᠡᠵᠢ ᠢᠢᠨ ᠮᠢᠨᠢ ᠮᠦᠷ ᠡ
ᠳᠤᠭᠳᠠᠨᠢᠭᠰᠠᠨ ᠮᠤᠩᠭᠤᠯ ᠤᠨ ᠮᠢᠨᠢ ᠭᠡᠷᠡᠯᠳᠤ ᠴᠠᠮᠬᠠᠭ
ᠡᠯᠢᠭᠡᠰᠡᠭ ᠳᠤᠳᠤᠨᠤ ᠵᠠᠩ ᠠᠷᠠᠨᠰᠢᠨ ᠲᠠᠢ
ᠢᠳᠡᠷᠭᠡᠭ ᠴᠤᠪᠤᠭᠤ ᠠᠵᠢᠯᠴᠢ ᠰᠤᠷᠳᠠᠯ ᠲᠠᠢ
ᠢᠷᠡᠭᠡᠳᠥᠢ ᠢᠢᠨ ᠦᠢᠯᠡᠰ ᠲᠡᠭᠡᠨ ᠢᠳᠡᠭᠡᠯ ᠪᠢᠯᠬᠠᠮᠠ
ᠡᠭᠡᠯ ᠵᠢᠷ ᠤᠨ ᠮᠠᠯᠴᠢᠨ ᠪᠦᠰᠡᠬᠦᠢ
ᠡᠭᠡ ᠳᠡᠯᠡᠭᠡᠢ ᠢᠢᠨ ᠴᠢᠨᠳᠠᠮᠤᠨᠢ ᠶᠤᠮ ᠰᠠᠨ᠃
ᠠᠯᠤᠰ ᠤᠨ ᠭᠠᠵᠠᠷ ᠠᠴᠠ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠬᠤ ᠳᠤ
ᠠᠯᠬᠤᠭᠰᠠᠨ ᠮᠦᠷ ᠨᠢ ᠰᠦᠬᠦᠮ ᠵᠦᠷᠢᠬᠦ ᠦᠭᠡᠢ ᠪᠤᠯᠵᠠᠢ
ᠠᠷᠤᠭ ᠡᠬᠦᠷᠳᠡᠭ ᠨᠢᠷᠤᠭᠤ ᠨᠢ ᠪᠦᠭ᠍ᠳᠥᠢᠵᠤ ᠬᠠᠳᠤᠶᠢᠭᠠᠳ
ᠠᠮᠢᠰᠬᠤᠭᠠ ᠠᠪᠬᠤ ᠳᠠᠭᠠᠨ ᠴᠦ ᠬᠦᠴᠢᠷ ᠪᠤᠯᠵᠠᠢ
ᠠᠯᠠᠭ ᠵᠢᠷᠤᠭᠡᠨ ᠳᠤ ᠮᠢᠨᠢ ᠠᠶᠢᠳᠠᠰ ᠪᠠᠭᠤᠯᠠ᠃
ᠡᠷᠡᠬᠦᠯ ᠪᠠᠶᠠ ᠨᠢ ᠮᠡᠨᠡᠭ ᠲᠠᠢ ᠪᠤᠯᠴᠢᠬᠠᠵᠠᠢ
ᠡᠪᠡᠳᠴᠢᠨ ᠳᠠᠬᠤᠯ ᠭᠡᠨᠡᠭᠡ ᠲᠠᠢ ᠪᠤᠯᠴᠢᠬᠠᠵᠠᠢ
ᠡᠶᠢᠮᠥ ᠠᠳᠠᠯᠠ ᠪᠠᠨ ᠮᠠᠯ ᠤᠨ ᠬᠤᠶᠢᠨᠠ ᠠᠴᠠ
ᠡᠳᠥᠷᠵᠢᠨ ᠪᠤᠷᠪᠢ ᠪᠤᠬᠢᠰᠬᠢᠯ ᠦᠭᠡᠢ ᠮᠤᠡᠭᠬᠢᠨᠠᠳᠠᠭ
ᠡᠨᠡᠷᠢᠩᠬᠦᠢ ᠰᠡᠳᠭᠢᠯ ᠤᠨ ᠳᠤᠯᠠᠭᠠᠬᠠᠨ ᠦᠯᠥᠭᠡᠢ᠃
ᠬᠡᠮᠰᠢᠶᠡᠷᠭᠡᠵᠥ ᠭᠡᠪᠳᠡᠭ᠍ᠰᠡᠨ ᠡᠵᠢ ᠳᠠᠨ ᠳᠠᠭᠠᠨ
ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠᠨ ᠤ ᠱᠦᠯᠥ ᠴᠦ ᠬᠢᠵᠥ ᠵᠠᠪᠳᠤᠭᠰᠠᠨ ᠦᠭᠡᠢ
ᠭᠡᠳᠥᠷᠮᠡᠭᠡᠶᠢᠯᠡᠵᠥ ᠶᠠᠪᠤᠭᠰᠠᠨ ᠬᠦᠥ ᠢᠢᠨ ᠴᠢᠨᠤ
ᠭᠡᠨᠡᠨ ᠪᠤᠳᠤᠯ ᠤᠨ ᠬᠢᠨᠢ ᠤᠰᠤᠯ ᠶᠤᠮ ᠳ᠋ᠠ
ᠬᠢᠴᠢᠶᠡᠵᠥ ᠳᠤᠩᠭᠠᠬᠤ ᠰᠤᠷᠭᠠᠮᠵᠢ ᠪᠠᠶᠢᠨᠠ ᠳ᠋ᠠ᠃
ᠬᠡᠮᠨᠡᠬᠦ ᠨᠢ ᠡᠮᠥᠨᠡ ᠪᠠᠨ ᠭᠡᠳᠡᠭ ᠦᠨᠡᠨ ᠦᠭᠡ ᠰᠠᠨᠵᠢ︕
ᠭᠡᠮᠰᠢᠬᠦ ᠨᠢ ᠬᠤᠶᠢᠨᠠ ᠪᠠᠨ ᠭᠡᠳᠡᠭ ᠶᠤᠰᠤᠳᠠᠢ ᠰᠤᠷᠭᠠᠯ ᠠᠵᠢ︕
ᠡᠵᠢ ᠢᠢᠨ ᠮᠢᠨᠢ ᠮᠦᠷ ︱
ᠤᠰᠤᠨ ᠳᠤ ᠳᠠᠷᠤᠭᠰᠠᠨ ᠳᠠᠮᠠᠭᠠ ᠪᠠᠶᠢᠯᠠ
ᠡᠵᠢ ᠢᠢᠨ ᠮᠢᠨᠢ ᠮᠦᠷ ︱
ᠡᠬᠦᠯᠡᠨ ᠳᠤ ᠵᠢᠷᠤᠭᠰᠠᠨ ᠵᠢᠷᠤᠭ ᠪᠠᠶᠢᠯᠠ
ᠡᠵᠢ ᠢᠢᠨ ᠮᠢᠨᠢ ᠮᠦᠷ ︱
ᠦᠨᠡᠭᠡᠨ ᠬᠠᠷᠠᠩᠭᠤᠢ ᠳᠠᠬᠢ ᠵᠠᠮᠴᠢ ᠪᠠᠶᠢᠯᠠ
ᠡᠵᠢ ᠢᠢᠨ ᠮᠢᠨᠢ ᠮᠦᠷ ︱
ᠦᠷᠡᠰ ᠬᠤᠶᠢᠴᠢᠰ ᠤᠨ ᠳᠠᠭᠤᠤ ᠪᠠᠶᠢᠯᠠ
ᠠᠯᠠᠭ ᠲᠠᠢ ᠴᠤᠬᠤᠷ ᠲᠠᠢ ᠠᠮᠢᠳᠤᠷᠠᠯ ᠤᠨ ᠵᠠᠮ ᠳᠤ
ᠠᠯᠢᠶᠠᠯᠠᠵᠤ ᠶᠠᠪᠤᠭᠰᠠᠨ ᠦᠷᠡ ᠪᠢᠳᠠᠨ ᠳᠠᠭᠠᠨ
ᠦᠯᠡᠳᠡᠭᠡᠵᠥ ᠦᠭ᠍ᠭᠦᠭ᠍ᠰᠡᠨ ᠮᠦᠩᠭᠡ ᠢᠢᠨ ᠮᠦᠷ ᠳᠠᠨᠢ
ᠠᠮᠢᠨ ᠠᠴᠠ ᠵᠠᠯᠭᠠᠭᠰᠠᠨ ᠡᠷᠳᠡᠨᠢ ᠶᠤᠮ ᠰᠢᠦ︕
ᠠᠯᠳᠠᠨ ᠠᠴᠠ ᠦᠨᠡ ᠲᠠᠢ ᠰᠤᠷᠭᠠᠯ ᠶᠤᠮ ᠰᠢᠦ︕
（ᠴᠤᠶᠢᠵᠢᠨᠵᠠᠪ）
