ᠰᠢᠯᠦᠭ ᠤᠨ ᠲᠤᠷᠭᠠᠨ ᠮᠦᠷ ᠪᠤᠶᠤ ᠰᠡᠳᠬᠢᠯ ᠤᠭᠰᠢᠭᠠᠬᠤ ᠬᠤᠷᠤᠮ
᠄ 2025-03-30 15:19:35
ᠰᠢᠯᠦᠭ ᠤᠨ ᠦᠨᠡᠨ ᠠᠮᠢᠳᠤᠷᠠᠯ ᠳ᠋ᠤ
ᠠᠮᠢᠳᠤᠷᠠᠯ ᠤᠨ ᠦᠨᠡᠨ ᠰᠢᠯᠦᠭ ᠲᠤ ᠤᠷᠤᠰᠢᠮᠤ︕
ᠰᠢᠯᠦᠭ ᠪᠢᠴᠢᠬᠦ ᠰᠢᠭ ᠡᠷᠬᠢᠮ ᠤᠴᠢᠷ ᠪᠠᠶᠢᠳᠠᠭ ᠤᠤ
ᠰᠢᠯᠦᠭ ᠪᠢᠴᠢᠬᠦ ᠰᠢᠭ ᠡᠬᠡᠯᠬᠡᠨ ᠤᠴᠢᠷ ᠪᠠᠰᠠ ᠪᠤᠢ ᠤᠤ
ᠡᠬᠡᠯᠬᠡᠨ ᠴᠢᠮᠠ ᠶ᠋ᠢ ᠰᠢᠯᠦᠭ ᠰᠢᠭ ᠡᠷᠬᠢᠮ ᠪᠠᠳᠠᠭ ᠵᠢᠡᠷ ᠪᠢᠴᠢᠬᠦ
ᠡᠷᠭᠢᠮ ᠴᠢᠮᠠ ᠶ᠋ᠢ ᠰᠢᠯᠦᠭ ᠰᠢᠭ ᠡᠬᠡᠯᠬᠡᠨ ᠪᠠᠳᠠᠭ ᠵᠢᠡᠷ ᠪᠢᠴᠢᠬᠦ
ᠰᠢᠯᠦᠭ ᠪᠢᠴᠢᠬᠦ ᠪᠠ ᠴᠢᠮᠠ ᠶ᠋ᠢ ᠬᠠᠶᠢᠷᠠᠯᠠᠬᠤ ᠦᠨᠡᠨᠳᠡᠬᠡᠨ ᠠᠪ ᠠᠳᠠᠯᠢᠬᠠᠨ᠋
ᠠᠮᠠᠷᠠᠭ ᠰᠢᠭ ᠰᠢᠯᠥᠭ ᠮᠢᠨᠢ ᠰᠢᠯᠦᠭ ᠮᠡᠲᠤ ᠠᠮᠠᠷᠠᠭ ᠮᠢᠨᠢ ᠁
ᠶᠡᠭᠡ ᠨᠠᠶᠢᠷᠠᠭᠴᠢ ᠵᠢᠨ ᠤᠨᠭᠭᠤᠳ ᠡᠴᠡ ᠰᠡᠳᠬᠢᠯ ᠤᠨ ᠲᠡᠨᠭᠬᠡᠬᠡ ᠰᠡᠯᠪᠢᠵᠤ᠂ ᠡᠷᠡᠨ ᠴᠠᠭ ᠤᠨ ᠱᠤᠤᠬᠢᠶᠠᠨ ᠳ᠋ᠤ ᠬᠦᠰᠡᠯ ᠤᠨ ᠤᠶᠠᠭᠠ ᠵᠠᠨᠭᠭᠢᠳᠬᠦ ᠮᠡᠲᠤ ᠡᠷᠳᠡᠮ ᠤᠨ ᠶᠡᠭᠡ ᠳᠠᠯᠠᠢ ᠳ᠋ᠤ ᠱᠤᠨᠭᠪᠠᠵᠤ ᠶᠠᠪᠤᠭᠠ ᠰᠤᠷᠤᠭᠴᠢ ᠲᠡᠭᠦᠦ ᠨᠠᠷ ᠵᠢᠡᠨ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠴᠡᠨᠭᠬᠡᠬᠦᠨ ᠳ᠋ᠤ ᠵᠢᠷᠭᠠᠬᠤ ᠰᠠᠨ ᠬᠡᠬᠦ ᠬᠦᠰᠡᠯ ᠵᠤᠷᠢᠯᠭᠠ ᠵᠢᠨ ᠲᠦᠯᠥᠬᠡᠨᠡ ᠡᠬᠦᠰᠴᠤ ᠬᠦᠭᠵᠢᠬᠡᠳ ᠦᠨᠦᠳᠦᠷ ᠲᠤ ᠬᠦᠷᠦᠭᠰᠡᠨ︽ᠴᠤᠤᠷᠢᠶᠠ︾ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠨᠠᠭᠠᠳᠤᠮ ᠬᠠᠨᠭᠭᠢᠨ ᠨᠤᠲᠤᠭ ᠤᠨ ᠬᠠᠯᠠᠭᠤᠨ ᠰᠢᠷᠤᠢ ᠳ᠋ᠤ ᠠᠷᠪᠠᠳᠠᠬᠢ ᠤᠳᠠᠭᠠ ᠪᠠᠨ ᠤᠭᠲᠤᠵᠤ ᠪᠠᠶᠢᠨᠠ᠃
︽ᠮᠤᠨᠭᠬᠠᠭ ᠤᠨ ᠴᠦᠯ ᠢ ᠮᠤᠷᠢ ᠪᠡᠷ ᠪᠢᠰᠢ ᠨᠤᠮ ᠵᠢᠡᠷ ᠲᠤᠭᠤᠯᠳᠠᠭ︾ᠬᠡᠬᠦ ᠨᠠᠶᠢᠷᠠᠭᠴᠢ ᠠ·ᠤᠳᠽᠠᠷ ᠤᠨ ᠦᠬᠡ ᠰᠢᠨᠡ ᠦᠶᠡ ᠵᠢᠨ ᠬᠡᠤᠬᠡᠳ ᠤᠳ ᠤᠨ ᠵᠢᠷᠦᠬᠡᠨ ᠳ᠋ᠤ ᠰᠡᠶᠢᠯᠥᠭᠳᠡᠭᠰᠡᠨ ᠪᠢᠵᠡ᠂ ᠮᠦᠨ︽ᠬᠦᠰᠡᠯᠲᠡᠢ ᠰᠠᠶᠢᠬᠠᠨ ᠤᠳᠬᠠ ᠤᠶᠠᠨᠭᠭᠠ ᠬᠡᠮᠡᠭᠴᠢ ᠬᠦᠭᠡ ᠡᠬᠦᠯᠡ ᠰᠠᠯᠬᠢᠨᠠ ᠬᠦᠷᠪᠡᠬᠦ ᠮᠡᠲᠤ ᠬᠦᠮᠦᠨ ᠤ ᠰᠡᠳᠬᠢᠯ ᠢ ᠬᠦᠳᠡᠯᠬᠡᠨ ᠡᠰᠡ ᠴᠢᠳᠠᠪᠠᠰᠤ ᠬᠦᠨᠭᠬᠡᠨ ᠪᠢᠷ ᠢ ᠬᠦᠰᠢᠵᠤ ᠶᠠᠭᠤᠨ ᠬᠢᠮᠤᠢ︾ᠬᠡᠬᠦ ᠪᠠᠳᠠᠭ ᠦᠨᠦᠳᠦᠷ ᠤᠨ ᠲᠠᠶᠢᠰᠠᠨ ᠳ᠋ᠤ ᠠᠮᠢᠯᠠᠨ ᠪᠦᠵᠢᠨᠡ᠃ ᠡᠨᠡ ᠲᠠᠶᠢᠰᠠ ᠬᠠᠨᠭᠭᠢᠨ ᠬᠤᠰᠢᠭᠤᠨ ᠤ ᠮᠤᠨᠭᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠤᠷᠰᠢᠯᠲᠠ ᠵᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ ᠬᠦᠷᠢᠶᠡᠨ ᠳ᠋ᠤ ᠪᠠᠶᠢᠷᠢᠯᠠᠨᠠ᠃ ᠲᠡᠨᠳᠡ ᠡᠴᠡ ᠲᠤᠭᠤᠯᠳᠠᠬᠤ ᠴᠢᠮᠡᠬᠡ ᠶ᠋ᠢ ᠠᠨᠢᠷᠳᠠᠨ ᠴᠢᠨᠭᠨᠠᠪᠠᠰᠤ᠄
ᠨᠢᠭᠤᠴᠠ ᠲᠤᠪᠴᠢᠶᠠᠨ ᠡᠴᠡ ᠦᠷᠬᠦᠯᠵᠢᠯᠡᠭᠰᠡᠨ
ᠨᠤᠲᠤᠭ ᠤᠨ ᠮᠢᠨᠢ ᠲᠤᠷᠭᠠᠨ ᠰᠠᠯᠬᠢ
ᠢᠰᠡᠬᠡᠢ ᠬᠡᠷ ᠤᠨ ᠡᠬᠦᠳᠡ ᠶ᠋ᠢ ᠰᠡᠬᠦᠵᠤ
ᠡᠷᠡᠨ ᠵᠠᠭᠤᠨ ᠢ ᠲᠤᠭᠤᠯᠤᠨᠠ ᠁ ᠤᠶᠠᠨᠭᠭᠠ ᠨᠠᠶᠢᠷᠠᠭ ᠵᠢᠡᠷ ᠴᠠᠯᠬᠢᠯᠠᠭᠰᠠᠨ ᠡᠨᠡ ᠲᠢᠨᠭᠭᠢᠮ ᠳ᠋ᠤ ᠬᠠᠨᠭᠭᠢᠨ ᠬᠤᠰᠢᠭᠤᠨ ᠤ ᠮᠤᠨᠭᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠤᠷᠰᠢᠯᠲᠠ ᠵᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠴᠢ ᠬᠠᠨᠭᠭᠢᠨ ᠬᠤᠰᠢᠭᠤᠨ ᠤ ᠮᠤᠨᠭᠭᠤᠯ ᠦᠨᠳᠦᠰᠦᠲᠡᠨ ᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ᠂ ᠪᠠᠯᠭᠤᠨ ᠪᠠᠯᠭᠠᠰᠤ ᠵᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠡᠴᠡ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ 65 ᠰᠤᠷᠤᠭᠴᠢ ᠨᠠᠶᠢᠷᠠᠭ ᠤᠶᠠᠨᠭᠭᠠᠯᠠᠨ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠢᠢᠨ ᠲᠡᠬᠡᠲᠥ ᠤᠨ ᠤ ᠲᠤᠭᠤᠶᠢᠯᠠᠩ᠂ ᠪᠠᠭᠠ ᠰᠤᠷᠭᠠᠭᠤᠯᠢ ᠢᠢᠨ ᠲᠤᠤᠷᠠᠲᠤ ᠤᠨ ᠤ ᠲᠤᠭᠤᠶᠢᠯᠠᠩ᠂ ᠲᠤᠮᠲᠠᠲᠤ ᠰᠤᠷᠭᠠᠭᠤᠯᠢ ᠢᠢᠨ ᠲᠤᠭᠤᠶᠢᠯᠠᠩ ᠭᠡᠬᠦ ᠭᠤᠷᠪᠠᠨ ᠲᠤᠭᠤᠶᠢᠯᠠᠩ ᠳ᠋ᠤ ᠬᠤᠪᠢᠶᠠᠭᠳᠠᠨ᠂ ᠲᠤᠭᠤᠶᠢᠯᠠᠩ ᠪᠥᠷᠢ ᠢᠢᠨ ᠲᠥᠷᠥᠬᠦᠤ ᠵᠢᠷᠭᠤᠭᠠᠨ ᠨᠡᠷᠡᠰ ᠢ ᠬᠥᠬᠢᠬᠦᠯᠥᠨ ᠱᠠᠩᠨᠠᠭᠰᠠᠨ ᠪᠠᠶᠢᠨᠠ᠃
︽ᠲᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠲᠡᠨ ᠤ ᠬᠠᠮᠲᠤ ᠵᠢᠨ ᠴᠤᠭᠴᠠ ᠵᠢᠨ ᠦᠵᠡᠯ ᠤᠬᠠᠮᠰᠠᠷ ᠢ ᠪᠠᠲᠤ ᠴᠤᠭᠴᠠᠯᠠᠬᠤ︾ᠭᠤᠤᠯ ᠰᠡᠲᠦᠪ ᠤᠨ ᠲᠤᠭᠤᠷᠢᠨ ᠳ᠋ᠤ ᠦᠨᠳᠦᠰᠦᠲᠡᠨ ᠤ ᠤᠷᠤᠨ ᠤ ᠰᠤᠶᠤᠯ ᠤᠨ ᠪᠦᠲᠦᠬᠡᠨ ᠪᠠᠶᠢᠭᠤᠯᠤᠯᠲᠠ ᠶ᠋ᠢ ᠠᠬᠢᠭᠤᠯᠵᠤ᠂ ᠤᠷᠤᠨ ᠨᠤᠲᠤᠭ ᠤᠨ ᠰᠤᠶᠤᠯ ᠤᠨ ᠭᠤᠯᠤᠮᠲᠠ ᠳ᠋ᠤ ᠠᠰᠢᠳᠠ ᠵᠢᠨ ᠭᠠᠯ ᠲᠦᠷᠡᠯᠵᠡᠬᠦᠯᠥᠨ᠂ ᠢᠷᠡᠭᠡᠳᠦᠢ ᠳ᠋ᠡᠬᠡᠨ ᠢᠲᠡᠭᠡᠯ ᠲᠠᠢ᠂ ᠡᠬᠡ ᠤᠷᠤᠨ ᠳ᠋ᠠᠭᠠᠨ ᠬᠠᠶᠢᠷᠠᠲᠠᠢ᠂ ᠵᠤᠷᠢᠯᠭᠠ ᠲᠡᠮᠡᠤᠯᠡᠯ ᠳ᠋ᠡᠬᠡᠨ ᠬᠦᠷᠬᠦ ᠵᠤᠷᠢᠭ ᠲᠠᠢ᠂ ᠵᠤᠯᠪᠤᠭᠠ ᠲᠠᠢ ᠪᠠᠭᠠᠴᠤᠳ ᠢ ᠬᠦᠮᠦᠵᠢᠬᠦᠯᠵᠤ᠂ ᠡᠬᠡ ᠬᠡᠯᠡᠨ ᠤ ᠬᠦᠴᠦᠲᠤ ᠵᠢᠬᠦᠷ ᠲᠤ ᠬᠦᠭ ᠨᠡᠮᠡᠵᠤ᠂ ᠬᠡᠤᠬᠡᠳ ᠪᠠᠭᠠᠴᠤᠳ ᠤᠨ ᠡᠬᠡ ᠬᠡᠯᠡᠨ ᠤ ᠰᠠᠡᠭ ᠢ ᠪᠠᠶᠠᠯᠢᠭᠵᠢᠭᠤᠯᠬᠤ ᠡᠬᠦᠳᠡᠨ ᠡᠴᠡ ᠰᠠᠨᠠᠭᠠᠴᠢᠯᠠᠵᠤ ᠬᠢᠭᠰᠡᠨ ᠡᠨᠡ ᠠᠵᠢᠯᠯᠠᠭᠠ ᠶ᠋ᠢ ᠠᠷᠪᠠᠨ ᠵᠢᠯ ᠤᠨ ᠲᠡᠷᠲᠡᠭᠡ ᠳ᠋ᠤ ᠪᠤᠶᠤ 2015 ᠤᠨ ᠳ᠋ᠤ ᠤᠷᠳᠤᠰ ᠬᠤᠲᠠ ᠵᠢᠨ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠲᠦᠪ ᠤᠨ ᠪᠦᠲᠦᠬᠡᠯᠲᠤ ᠵᠢᠴᠢ ᠬᠠᠨᠭᠭᠢᠨ ᠬᠤᠰᠢᠭᠤᠨ ᠤ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠲᠦᠪ ᠤᠨ ᠰᠡᠷᠬᠦᠯᠡᠡᠭ ᠬᠤᠶᠠᠭᠤᠯᠠ ᠰᠡᠲᠦᠨ ᠡᠷᠬᠢᠯᠡᠭᠰᠡᠨ ᠪᠢᠯᠡ᠃ ᠡᠨᠡ ᠠᠷᠪᠠᠭᠠᠳ ᠵᠢᠯ ᠤᠨ ᠲᠤᠷᠰᠢ ᠠᠷᠠᠳ ᠤᠨ ᠪᠠᠭᠰᠢ᠂ ᠠᠮᠠᠨ ᠨᠠᠶᠢᠷᠠᠭᠴᠢ ᠬᠡᠬᠦᠴᠢᠯᠡᠨ ᠡᠯᠡ ᠠᠵᠢᠯ ᠲᠦᠷᠦᠯ ᠤᠨ ᠬᠦᠮᠦᠰ ᠢᠷᠠᠭᠤ ᠨᠠᠶᠢᠷᠠᠭ ᠢ ᠤᠷᠤᠢ ᠵᠢᠨ ᠲᠡᠭᠡᠳᠦ ᠰᠢᠲᠦᠬᠡᠨ ᠪᠤᠯᠭᠠᠵᠤ᠂ ᠠᠷᠢᠭᠤᠨ ᠬᠦᠳᠡᠯᠮᠦᠷᠢ ᠪᠠᠨ ᠵᠤᠷᠢᠭᠤᠯᠤᠨ ᠳᠡᠮᠵᠢᠵᠤ᠂ ᠠᠷᠠᠳ ᠤᠨ ᠮᠦᠨᠭᠭᠦ ᠪᠡᠷ ᠲᠤᠰᠠᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠪᠢᠯᠡ᠃ ᠲᠤᠰ ᠤᠲᠠᠭᠠᠨ ᠤ ᠰᠢᠯᠥᠭ ᠤᠨ ᠤᠷᠤᠯᠲᠤᠭᠠᠨ ᠢ ᠬᠠᠩᠬᠢᠨ ᠬᠤᠰᠢᠭᠤᠨ ᠤ︽ᠮᠠᠩᠨᠤᠭ︾ᠮᠤᠩᠭᠤᠯ ᠤᠶᠤᠲᠠᠯ ᠤᠨ ᠭᠠᠵᠠᠷ ᠤᠨ ᠤᠲᠤᠨᠬᠤᠸᠠᠷ᠂︽ᠽᠢ ᠢ ᠰᠢᠥᠸᠡᠨ︾ ᠵᠠᠷ ᠮᠡᠳᠡᠭᠡᠨ ᠤ ᠺᠤᠮᠫᠠᠨᠢ ᠢᠢᠨ ᠲᠠᠯᠠᠠᠳᠥ᠋ᠷᠪᠡ᠂ ᠬᠤᠷᠤᠭᠠᠨᠴᠠᠶᠢᠲᠠᠮ ᠭᠠᠴᠠᠭᠠᠨ ᠤ ᠬᠥᠷᠬᠦᠮᠰᠸᠡ᠂ ︽ᠷᠥᠢ ᠰᠢᠩ︾ ᠮᠠᠰᠢᠨ ᠲᠡᠷᠬᠡᠨ ᠤ ᠠᠷᠠᠯᠵᠢᠶᠠᠨ ᠤ ᠺᠤᠮᠫᠠᠨᠢ ᠢᠢᠨ ᠱᠤᠱᠠᠭ᠂ ᠬᠠᠨᠭᠭᠢᠨ ᠬᠤᠰᠢᠭᠤᠨ ᠤ ᠨᠢᠬᠡᠲᠥᠮᠡᠯ ᠹᠠᠷᠤᠨᠲ ᠤᠨ ᠬᠡᠯᠲᠡᠰ ᠤᠨ ᠵᠢᠩᠬᠤᠸᠠᠷ᠂ ᠪᠠᠯᠭᠤᠨ ᠪᠠᠯᠭᠠᠰᠤᠨ ᠳᠠᠬᠢ︽ᠲᠠᠯᠠ ᠨᠤᠲᠤᠭ︾ ᠴᠠᠭᠠᠨ ᠢᠲᠡᠬᠡᠨ ᠤ ᠲᠡᠯᠬᠡᠬᠦᠷ ᠤᠨ ᠵᠢᠷᠭᠠᠯ᠂ ᠮᠤᠩᠭᠤᠯ ᠥᠨᠳᠥᠰᠥᠲᠡᠨ ᠤ ᠲᠤᠮᠲᠠᠲᠤ ᠰᠤᠷᠭᠠᠭᠤᠯᠢ ᠢᠢᠨ ᠡᠷᠲᠡᠮᠲᠥ᠂ ᠬᠠᠩᠬᠢᠨ ᠬᠤᠰᠢᠭᠤᠨ ᠤ ᠪᠠᠶᠢᠭᠠᠯᠢᠯᠢᠭ ᠬᠤᠲᠠᠯᠲᠤᠭᠠᠨ ᠤ ᠲᠡᠯᠬᠡᠬᠦᠷ ᠤᠨ ᠵᠢᠷᠠᠩᠭᠠ᠂ ᠰᠢᠶᠠ ᠰᠢᠶᠠ ᠥᠰᠥ ᠵᠠᠰᠠᠬᠤ ᠭᠠᠵᠠᠷ ᠤᠨ ᠤᠷᠠᠨᠲᠤᠶᠠᠭᠠ᠂ ᠬᠠᠨᠭᠭᠢᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠥᠨᠳᠥᠰᠥᠲᠡᠨ ᠤ ᠲᠤᠷᠰᠢᠯᠲᠠ ᠢᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠢᠢᠨ ᠰᠠᠷᠠᠨᠠ᠂ ᠬᠠᠨᠭᠭᠢᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠥᠨᠳᠥᠰᠥᠲᠡᠨ ᠤ ᠲᠤᠷᠰᠢᠯᠲᠠ ᠢᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠢᠢᠨ ᠰᠡᠩᠬᠡᠪᠠᠭᠠᠲᠤᠷ᠂ ᠬᠠᠨᠭᠭᠢᠨ ᠬᠤᠰᠢᠭᠤᠨ ᠤ ᠡᠬᠡ ᠨᠢᠯᠬᠠᠰ ᠤᠨ ᠡᠷᠡᠬᠦᠯᠵᠢᠯ ᠤᠨ ᠭᠠᠵᠠᠷ ᠤᠨ ᠪᠠᠶᠠᠮᠠ ᠵᠡᠷᠬᠡ ᠬᠤᠪᠢ ᠬᠥᠮᠥᠨ ᠪᠤᠶᠤ ᠬᠤᠪᠢ ᠢᠢᠨ ᠠᠵᠤ ᠠᠬᠤᠶᠢᠯᠠᠯᠲᠠᠳ ᠠᠴᠠ ᠢᠪᠡᠬᠡᠨ ᠲᠡᠳᠬᠦᠵᠤ ᠶᠠᠪᠤᠭᠲᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃
ᠰᠢᠯᠦᠭ ᠡᠴᠡ ᠰᠢᠯᠦᠭ ᠲᠦᠷᠦᠳᠡᠭ᠂ ᠰᠢᠯᠦᠭ ᠬᠡᠳᠡᠭ ᠠᠮᠢᠳᠤᠷᠠᠯ ᠠᠲᠠᠯᠠ ᠠᠮᠢᠳᠤᠷᠠᠯ ᠲᠠᠨᠭᠴᠤ ᠰᠢᠯᠦᠭ ᠪᠢᠰᠢ ᠁ ᠠᠮᠢᠳᠤᠷᠠᠯ ᠰᠢᠯᠦᠭ ᠮᠡᠲᠤ ᠠᠮᠲᠠᠲᠠᠢ ᠪᠤᠯᠪᠠᠯ ᠬᠡᠵᠤ ᠬᠦᠮᠦᠰ ᠬᠦᠰᠡᠭᠰᠡᠨ ᠪᠠᠶᠢᠵᠤ ᠮᠡᠳᠡᠨᠡ᠂ ᠡᠨᠡ ᠰᠡᠳᠬᠢᠴᠡ ᠡᠴᠡ ᠡᠬᠦᠰᠴᠤ ᠳᠡᠯᠡᠬᠡᠢ ᠳ᠋ᠠᠬᠢᠨᠠ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠡᠳᠦᠷ ᠢ ᠲᠤᠭᠲᠠᠭᠠᠭᠰᠠᠨ ᠪᠠᠶᠢᠵᠤ ᠪᠠᠰᠠ ᠮᠡᠳᠡᠨᠡ᠃ ᠳᠡᠯᠡᠬᠡᠢ ᠵᠢᠨ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠡᠳᠦᠷ ᠡᠨᠡ ᠵᠢᠯ ᠬᠤᠷᠢᠨ ᠵᠢᠷᠭᠤᠳᠠᠬᠢ ᠤᠳᠠᠭᠠ ᠪᠡᠨ ᠤᠭᠲᠤᠨ ᠠᠪᠤᠯᠠ᠃ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠡᠳᠦᠷ ᠢ ᠲᠤᠬᠢᠶᠠᠯᠳᠤᠭᠤᠯᠤᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ︽ᠴᠤᠤᠷᠢᠶᠠ︾ᠮᠠᠨᠢ ᠬᠡᠤᠬᠡᠳ ᠪᠠᠭᠠᠴᠤᠳ ᠡᠴᠡ ᠬᠦᠮᠦᠨ ᠵᠤᠨ ᠤ ᠮᠢᠨᠢ ᠰᠡᠳᠬᠢᠯ ᠤᠨ ᠬᠡᠬᠡᠨ ᠮᠡᠯᠮᠡᠢ ᠳ᠋ᠤ ᠬᠦᠷᠬᠦ ᠪᠤᠯᠲᠤᠭᠠᠢ᠃
ᠢᠷᠠᠭᠤ ᠨᠠᠶᠢᠷᠠᠭ ᠠᠮᠲᠠᠷᠬᠠᠨ ᠶᠡᠭᠡ ᠰᠡᠳᠬᠢᠯ ᠤᠨ ᠤᠨᠭᠭᠤᠳ ᠵᠢᠡᠷ ᠬᠦᠭᠯᠡᠷᠡᠬᠦ ᠵᠢᠨ ᠰᠠᠶᠢᠬᠠᠨ ᠬᠡᠭᠴᠢ ᠁
