ᠡᠵᠢ ᠦᠨᠥᠷᠳᠥᠭᠰᠡᠨ ᠵᠤᠨ
᠄ 2026-08-17 11:01:55
ᠡᠵᠢ ᠵᠢᠨ ᠨᠢᠳᠤᠨ ᠡᠴᠡ ᠮᠠᠯᠮᠠᠷᠠᠬᠥ᠌
ᠪᠦᠪᠡᠢᠵᠢᠨ ᠠᠶᠠᠯᠭᠤᠨ ᠳ᠋ᠤ
ᠨᠢᠯᠬᠠ ᠵᠢᠨ ᠳᠠᠭᠤ᠂ ᠡ᠊ᠩᠬᠥᠷᠡᠶ᠋ᠢᠭᠡᠨ ᠦᠨᠥᠷ
ᠨᠢᠯ ᠭᠡᠮᠡᠨ ᠠᠶ᠋ᠢᠰᠤᠢ
ᠬᠠᠶᠠ ᠤᠬᠢᠯᠠᠵᠤ᠂ ᠬᠠᠶᠠ ᠪᠠᠶᠠᠰᠴᠤ᠌
ᠬᠠᠨᠠ ᠴᠡᠩᠭᠡᠷᠯᠡᠬᠥᠯᠵᠤ ᠬᠠᠶ᠋ᠢᠷᠠ ᠢᠷᠡᠨᠡ
ᠪᠢ
ᠡᠵᠢ ᠵᠢᠨ ᠬᠠᠶ᠋ᠢᠷᠠ ᠳ᠋ᠤ ᠭᠤᠶᠤ ᠪᠤᠯᠤᠨᠠ ᠭᠡᠵᠤ
ᠮᠦᠷᠥᠭᠡᠳᠥᠯᠵᠢᠡᠷ ᠳᠡᠯᠭᠡᠷᠡᠳᠡᠭ ᠶᠤᠮ
ᠭᠡᠰᠡᠭ ᠪᠤᠳᠠᠩ᠂ ᠭᠡᠰᠡᠭ ᠪᠤᠷᠤᠭᠠᠨ
ᠨᠤᠭᠤᠭᠠᠨ ᠳᠡᠷᠯᠢᠭ ᠡᠮᠥᠰᠭᠡᠨᠡ ᠭᠡᠵᠤ
ᠵᠤᠨ ᠪᠤᠯᠳᠠᠭ ᠶᠤᠮ
ᠪᠢ
ᠳᠠᠷᠠᠰᠤᠨ ᠦᠯᠥᠩᠢ ᠰᠢᠬᠢᠷ ᠰᠢᠭ ᠵᠠᠵᠢᠯᠵᠤ
ᠡᠵᠢᠵᠢᠨ ᠦᠨᠥᠷ ᠳᠡᠢ ᠵᠤᠨ ᠳ᠋ᠤ
ᠴᠡᠴᠡᠭᠭᠡᠨ ᠨᠠᠰᠤ ᠪᠠᠨ ᠦᠭᠡᠶ᠋ᠢᠯᠡᠨᠡᠮ
ᠰᠦᠷᠥᠨ ᠳᠡᠭᠡᠷᠡ ᠬᠤᠷᠤᠳ ᠳᠡᠯᠭᠡᠵᠤ ᠬᠠᠳᠠᠭᠠᠬᠤ
ᠪᠤᠷᠤᠭᠠᠨ ᠵᠦᠰᠡᠷᠡᠵᠤ ᠰᠤᠯᠤᠩᠭᠠ ᠳᠠᠳᠠᠬᠤ ᠨᠢ
ᠡᠵᠢᠵᠢᠨ ᠦᠨᠥᠷ ᠳᠡᠢ ᠵᠤᠨ ᠦᠵᠡᠰᠬᠥᠯᠡᠩ ᠶᠤᠮ
ᠨᠠᠷᠠ᠂ ᠰᠠᠷᠠ᠂ ᠤᠳᠤᠨ ᠭᠡᠷᠡᠯ
ᠤᠷᠠᠨ ᠵᠢᠷᠤᠭ ᠤᠨ ᠦᠩᠭᠡ
ᠠᠭᠠᠷ᠂ ᠪᠤᠷᠤᠭᠠᠨ᠂ ᠤᠰᠤ
ᠵᠤᠨ ᠡᠬᠢᠯᠠᠵᠤ᠂ ᠪᠠᠰᠠ ᠳᠡᠬᠥᠰᠤᠨᠠ
ᠤᠨᠠᠭᠠ᠂ ᠪᠤᠳᠤᠭᠤ᠂ ᠳᠤᠭᠤᠯ᠂ ᠢᠰᠢᠭᠡ᠂ ᠬᠤᠷᠠᠭᠠ
ᠡᠵᠢ ᠵᠢᠨ ᠳᠠᠪᠤᠨ ᠬᠤᠰᠢᠭᠤ ᠮᠠᠯ
ᠳᠡᠷᠡ ᠪᠦᠬᠥᠨ
ᠡᠵᠢ ᠵᠢᠨ ᠦᠨᠥᠷ ᠳᠡᠢ ᠵᠤᠨ ᠶᠤᠮ
ᠰᠦ᠂ ᠠᠶ᠋ᠢᠷᠠᠭ᠂ ᠦᠷᠥᠮᠡ
ᠦᠨᠢᠶᠠᠨ ᠵᠠᠯᠠᠨ ᠡᠴᠡ ᠦᠨᠥᠷᠳᠥᠳᠡᠭ
ᠰᠠᠴᠤᠯᠢ ᠪᠠᠨ ᠡᠷᠬᠥᠵᠤ᠂ ᠪᠠᠰᠠ ᠳᠠᠯᠠᠯᠤᠨᠠ
ᠳᠡᠷᠡ ᠪᠦᠬᠥᠨ
ᠡᠵᠢ ᠵᠢᠨ ᠦᠨᠥᠷ ᠳᠡᠢ ᠵᠤᠨ ᠳᠠᠩᠰᠤᠭᠯᠠᠵᠤ ᠨᠠᠯᠠᠶ᠋ᠢᠳᠠᠭ
ᠵᠤᠨ ᠪᠤᠷᠤᠭᠠᠨ ᠡᠴᠡ
ᠰᠦ ᠠᠮᠳᠠᠭᠳᠠᠨᠠ᠂ ᠬᠠᠶ᠋ᠢᠷᠠ ᠤᠷᠬᠢᠯᠤᠨᠠ
ᠡᠵᠢ ᠵᠢᠨ ᠠᠶᠠᠭᠠᠨ ᠡᠴᠡ ᠬᠤᠷᠤᠳ ᠠᠮᠳᠠᠯᠠᠭᠳᠠᠨᠠ
ᠳᠡᠷᠡ ᠵᠦᠪᠭᠡᠨ ᠵᠢᠷᠭᠠᠯᠤᠨ ᠠᠮᠳᠠ
ᠪᠢ
ᠡᠵᠢ ᠵᠢᠨ ᠦᠨᠥᠷ ᠳᠡᠢ ᠬᠤᠨᠤ ᠦᠭᠢᠨ ᠁
（ᠬᠤᠨᠢᠴᠢᠨ ᠠ᠊ · ᠵᠢᠷᠠ）
